Simferopol aeroportu ələ keçirildi, Türkiyə təyyarəsi geri qayıtdı

Krım Muxtar Respublikasının Simferopol şəhərində aeroportun ələ keçirilməsi səbəbindən İstanbul-Simferopol marşrutu ilə uçan Türkiyənin "AtlasJET" aviaşirkətinin təyyarəsi yarımadaya eniş edə bilməyərək geri qayıdır.
Trend-in "TRT Haber" telekanalına istinadən verdiyi məlumata görə, təyyarənin pilotlarına aeroportun ələ keçirilməsi barədə məlumat Ukraynanın hava məkanından verilib.
Xatırladaq ki, fevralın 26-da Krım Ali Radasının binası yanında keçirilən mitinq zamanı 30 nəfər xəsarət alıb, onlardan altısı xəstəxanaya yerləşdirilib.