Səudiyyə Ərəbistanı ABŞ-ın İranla bağlı yeni strategiyasını dəstəkləyib
Səudiyyə Ərəbistanının kralı Salman Bin Əbdül Əziz əl-Saud ABŞ prezidenti Donald Trampla keçirdiyi telefon danışıqları zamanı Birləşmiş Ştatların İranla bağlı yeni strategiyasına dəstəyini ifadə edib.
"Report”un məlumatına görə, bu barədə "Əl-Ərəbiyyə” telekanalı xəbər verib.
"Kral yeni administrasiyanın liderlik rolunu yüksək qiymətləndirib. Terrorçuluq və ekstremizmin əsas sponsoru olan İrana qarşı birgə səylər və sərt mövqeyin vacibliyi vurğulanıb”, - deyə bəyanatda bildirilir.
Qeyd olunur ki, Tramp krala tutduğu mövqeyə görə təşəkkürünü bildirib. Ağ Ev rəhbəri qeyd edib ki, ABŞdünyada təhlükəsizliyə nail olmaq üçün öz müttəfiqləri ilə birgə iş aparacaq.