AZE | RUS | ENG |


Sergey Yeseninə həsr olunmuş açıq dərs keçilib - Fotolar

Sergey Yeseninə həsr olunmuş açıq dərs keçilib - Fotolar
Bakı İdarəetmə və Texnologiya Kollecində (BİTKol) XX əsrin əvvəllərində yazıb-yaratmış rus şairi Sergey Yeseninə həsr olunmuş açıq dərs keçilib. Kollecin rus dili müəllimələri Arzu Səfərova və Gülnarə Məmmədova əvvəlcə tələbələrə şair haqqında geniş məlumat veriblər. 

Qeyd olunub ki, adı XX əsrin ən böyük şairləri – Blok, Mayakovski, Bryusovla bir sırada çəkilən Yesenin ən lirik rus şairlərindən hesab olunur. S.Yesenin 1924-1925-ci illərdə bir müddət Bakıda olub, yaradıcılığının ən məhsuldar dövrünü də demək olar ki, Bakıda yaşayıb. Şairin şeirləri o dövrdə "Russkaya mısl”, "Jizn dlya vsex”, "Yejemesyaçnıy jurnal”, "Severniye zapiski” və sair jurnallarda çap olunub. 

Bildirilib ki, S.Yeseninin sağlığında təkrar nəşrlər də nəzərə alınmaqla, 30-a yaxın kitabı nəşr olunub. Onun ilk kitabı – "Raduniça”, son kitabı isə "Persidskie motivı” olub. Bunlardan əlavə, şairin sağlığında müxtəlif mənbələrdə 25-ə yaxın kitabın çapa hazırlanması haqqında məlumatlara rast gəlinsə də, naməlum səbəblərdən onlar çap olunmamış qalıb. 

Açıq dərsdə tələbələr də aktivlik nümayiş etdirib, S.Yeseninin şeirlərindən bədii qiraət edilib, həmçinin onun sözlərinə yazılmış mahnı səsləndirilib. Bununla yanaşı, açıq dərsdə S.Yeseninin həyatının müxtəlif dövrlərinə dair fotolar, kollec tələbələrinin şairin Mərdəkandakı ev muzeyinə təşkil olunmuş ekskursiyası ilə bağlı videoçarx da nümayiş olunub.






Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0046
GEL 1 Gürcü larisi 0.7026
GBP 1 İngilis funt sterlinqi 2.1922
TRY 1 Türk lirəsi 0.4768
KWD 1 Küveyt dinarı 5.6088
SEK 1 İsveç kronu 0.1957
EUR 1 Avro 1.9062
CHF 1 İsveçrə frankı 1.7478
USD 1 ABŞ dolları 1.7020