Səmədov Şeydayein yanına gedir
Rusiyanın
"Spartak" klubundan ayrılan Aleksandr Səmədov karyerasını "Krılya
Sovetov"da davam etdirəcək.
Kaspi.az xəbər
verir ki, Samara təmsilçisinin rəsmisi Aleksandr Şikunov açıqlama verib. O, 35
yaşlı yarımmüdafiəçi ilə bütün məsələlərdə razılığa gəldiklərini bildirib:
"Onun da,
bizim də birgə işləmək istəyimiz var. Demək olar ki, bütün məsələlərdə
anlaşdıq. Danışıqları uğurla apardıq. Məsələ yaxın vaxtlarda rəsmiləşəcək".
Hazırda
"Krılya Sovetov"da Azərbaycan millisinin hücumçusu Ramil Şeydayev də
çıxış edir. Səmədovun keçidi rəsmiləşsə, o, Şeydayevlə komanda yoldaşı olacaq.
Qeyd edək ki,
"Spartak" Aleksandr Səmədovla müqaviləni qarşılıqlı razılıq əsasında
pozub. "Krılya Sovetov" Rusiya Premyer Liqasında 16 turdan sonra
13-cü pillədə qərarlaşıb.