• cümə axşamı, 28 mart, 16:33
  • Baku Bakı 16°C

Şəki Xan Sarayı qarşısında baş verən hadisə ilə bağlı AÇIQLAMA

14.07.19 14:45 14622
Şəki Xan Sarayı qarşısında baş verən hadisə ilə bağlı AÇIQLAMA
Dövlət Turizm Agentliyi Şəki Xan Sarayı qarşısında baş verən hadisə ilə bağlı ilkin açıqlama yayıb.
Trend-in Agentliyə istinadən verdiyi məlumata görə, bu gün saat 12:00 radələrində Şəki Xan Sarayının qarşısında çinar ağacının budağı yerə düşərək insanlara xəsarət yetirib.
Xəsarət alanlar arasında həm yerli, həm də xarici vətəndaşlar var.
İlkin məlumata görə hadisə ilə bağlı 19 nəfər Şəki Rayon Mərkəzi Xəstəxanasına müraciət edib. Onlardan ikisi xəstəxanaya yerləşdirilib, digər 17 nəfərin müəyyən hissəsinə ilkin tibbi yardım göstərilib, bir qisminin müalicəsi hazırda davam edir. Paytaxtdan xəstəxanaya yerləşdirilən 2 şəxsə görə yüksək ixtisaslı mütəxəsislər çağırılıb.
Hadisə yerində hüquq-mühafizə orqanları araşdırma aparır. Hadisə baş verən andan Dövlət Turizm Agentliyinin rəhbərliyi Şəkiyə doğru yola çıxıb.
Cəmiyyəti daha dəqiq məlumatlandırmaq məqsədilə az sonra hüquq-mühafizə orqanları ilə birgə ətraflı bəyanatın yayımlanması planlaşdırılır.
banner

Oxşar Xəbərlər