Şəhidlərin ailə üzvləri və əlillərlə görüş keçirilib
Müasir Azərbaycan tarixinin silinməz qan yaddaşı olan 20 Yanvar
faciəsinin 28-ci ildönümü Lənkəranda silsilə tədbirlərlə anılıb. Bu münasibətlə
Lənkəran Şəhər İcra Hakimiyyətində 20 Yanvar şəhidlərinin ailə üzvləri və həmin
hadisələr zamanı sağlamlığını itirmiş əlillərlə görüş keçirilib. Görüş iştirakçıları
Azərbaycanın dövlət müstəqilliyi və ərazi bütövlüyü uğrunda canlarından keçmiş azadlıq
mücahidlərinin xatirəsini bir dəqiqəlik
sükutla yad ediblər.
Lənkəran Şəhər İcra hakimiyyətinin başçısı Taleh Qaraşov 20 Yanvar hadisələrini milli azadlıq hərakatının zirvəsi adlandırıb,
bu hadisələr zamanı şəhid olmuş insanların qəhrəmanlığının heç vaxt
unudulmayacağını, xalqın yaddaşında əbədi yaşayacağını deyib. İcra başçısı
ölkədə, o cümlədən Lənkəranda şəhid ailələrinə göstərilən qayğı və diqqətdən
danışıb və bu xəttin davamlı olacağını deyib.
20 Yanvar şəhidlərinin ailə üzvləri və əlillər tədbirdə çıxış
edərək onlara göstərilən dövlət qayğısına görə cənab Prezidentə, rayon rəhbərliyinə
minnətdarlıqlarını bildiriblər.
Şəhidlərin il mərasimlərinin keçirilməsindən ötrü onların ailələrinə
rayon icra hakimiyyəti tərəfindən müvafiq yardımlar olunub.
Xatırladaq ki, 1990-cı ilin yanvarında Lənkəran 11 oğlunu şəhid
verib.