Səfir: “FETÖ ilə mübarizədə müttəfiqlərimizlə əməkdaşlıq edirik”
"FETÖ ilə mübarizə yalnız Türkiyədə deyil, bir çox ölkədə aparılır”.
APA-nın Gürcüstan bürosunun xəbərinə görə, bunu Türkiyənin Gürcüstandakı səfiri Zəki Levent Gümrükçü keçirdiyi mətbuat konfransında deyib. O bildirib ki, bu terror qruplaşmasının maskalanmış üzvləri 150-dən çox ölkədə fəaliyyət göstərirlər.
"Türkiyə bu qruplaşmanı həmin ölkələr üçün ciddi təhdid hesab edir. Bu qruplaşmaya qarşı mübarizə məsələsində Gürcüstan və digər müttəfiqlərimizlə əməkdaşlıq edirik”, - deyə, səfir bildirib.