Sançes “Arsenal”dan niyə gedib?
Mançester Yunayted”ə keçən Aleksis Sançes "Arsenal” azarkeşləri ilə
vidalaşıb.
Kaspi.az xəbər verir ki, Sançes "instaqram”da azarkeşlərə, klub
əməkdaşlarına müraciət edib. O, komandadan ayrılmasını Anrinin gedişi ilə müqayisə
edib:
"Topçular”a sağ ol deyirəm! Məşqçilərə, tibb heyətinə, komanda
yoldaşlarıma təşəkkürümü bildirirəm. Onlarla xoş anları bölüşmüşəm. Pərdə
arxasında qalan insanlara – aşpazlara, adminstratora, aqronomlara ayrıca
təşəkkür etmək istəyirəm. Onlarsız komanda mövcud ola bilməz. Hər gün inkişaf
etməyimə yardım etdiyiniz üçün hər birinizə minnətdaram.
Klubda olduğum son günə qədər komanda üçün bütün qüvvəmi sərf etdim.
"Arsenal”ın əfsanəvi futbolçusu Anrinin komandanı tərk edərkən dediyi sözləri
xatırlayıram. Mən də klubu məhz həmin səbəblərə görə tərk edirəm.
"Arsenal”da yaşadığım yaxşı məqamları bütünlüklə azarkeşlərə həsr
edirəm. Onlar klubun əsas hissəsidir. Çox sağ olun ki, mənim şərəfimə "Balaca
Aleksis Sançes” oxuyurdunuz”.
Sançes "Arsenal”da 112 oyun keçirib, 60 qol vurub.