AZE | RUS | ENG |

Samsunda beynəlxalq konfrans keçirilib - Fotolar

Samsunda beynəlxalq konfrans keçirilib - Fotolar
Azərbaycanlı jurnalist konfransda məruzə ilə çıxış edib

Avropanın məşhur universitetlərinin elm adamlarının iştirakı ilə keçirilən beynəlxalq konfrans  Türkiyənin Samsun Böyükşəhər bələdiyyəsi və Atakum rayon bələdiyyəsinin dəstəyi ilə gerçəkləşdirildi. Uç gün davam edən beynəlxalq konfransda İtaliyanın Marconi  Universitetinin professorları Pasquelo Peluso, Angelo Arciero, Marzia Rossi, Sloveniyanın Ljubljana Universitetinin müəllimi Valentina  Fransa, Ankara Universitetinin professoru Şəbnəm Akipək Öcal, Samsun 19 Mayıs Universitetinin dosenti  Öznür Umit və başqalarının  məruzələri dinlənilib.
 
Konfransda Bakı Dövlət Universitetinin doktorantı, əməkdar jurnalist Namiq Əhmədov "Müasir dünya düzənində Azərbaycan-Türkiyə strateji və iqtisadi əlaqələri mətbuatda” mövzusunda məruzə edib. Məruzədə müstəqillik dövründə Türkiyə və Azərbaycan əlaqələrinin vüsəti, enerji layihələrinin həyata keçirilməsində strateji ortaqlıq və tərəfdaşlıq məsələləri diqqət mərkəzində olub. Bakı-Tbilisi-Ceyhan (BTC), Bakı-Tbilisi-Ərzurum (BTƏ), TANAP neft-qaz layihələrinin, regionun nəqliyyat xəritəsini dəyişdirən Bakı-Tbilisi-Qars (BTQ) dəmir yolu xətti layihəsinin gerçəkləşməsi də Türkiyə və Azərbaycan dövlətləri rəhbərlərinin  güclü siyasi iradəsi nəticəsində baş tutub. Ermənistan dövlətinin təcavüzkar siyasəti  və  Dağlıq Qarabağ probleminin həllinin  ləngidilməsi bütün bölgənin inkişafı üçün mane olduğu, Cənubi Qafqazda  sülhün pozulmasında önəmli faktor olduğu diqqətə çatdırılıb.  Məruzəçi konfrans iştirakçılarının  çoxsaylı suallarını cavablandırıb.

Beynəlxalq konfransın təşkilat komitəsinin üzvü Sezayi Çağlar bildirib ki, ilk olaraq Samsunda düzənlənən konfransın  gələcəkdə Almaniya, Avstriya, İtaliya və Hollandiyada da gerçəkləşdirilməsi üçün danışıqlar aparılır. O, qeyd edib ki, Azərbaycanda da belə bir konfransın keçirilməsi mümkündür. Azərbaycan-Türkiyə əlaqələrinin vüsəti, bu sahədə həyata vəsiqə alan tədbirlərin inkişaf tendensiyası və Avropaya enerji istehlak edən Azərbaycana olan maraq da bunu vacib edir. Təşkilat komitəsinin gündəmində də Bakıda beynəlxalq konfrans keçirilməsi qərarı var.  








Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0040
GEL 1 Gürcü larisi 0.6308
GBP 1 İngilis funt sterlinqi 2.2135
TRY 1 Türk lirəsi 0.3020
KWD 1 Küveyt dinarı 5.6066
SEK 1 İsveç kronu 0.1881
EUR 1 Avro 1.9479
CHF 1 İsveçrə frankı 1.7064
USD 1 ABŞ dolları 1.7000