Samirlə İtaliyanın 2 top-klubu maraqlanır
Samir Nəsrinin növbəti mövsümdə hansı komandada oynayacağına hələ də
aydınlıq gəlməyib.
Kaspi.az xəbər verir ki, futbolçunun meneceri Alen Milyatso bu məsələ
ilə bağlı danışıb. O, müştərisinə İtaliyanın 2 top-klubunun maraq göstərdiyini
bildirib:
"Nəsri hələ "Mançester Siti” məxsusdur. Biz isə təklifləri nəzərdən
keçiririk. Çinə getmək variantı da var. İtaliyanın 2 top-klubu da Samirin xidmətlərində
maraqlıdır. Hazırda həmin komandalarla danışıqları davam etdiririk”.
30 yaşlı futbolçu ötən mövsümü icarə əsasında "Sevilya”da keçirib. O,
ötən mövsüm İspaniya çempionatında 23 oyun keçirib, 2 qol vurub, 3 qol ötürməsi
edib.