AZE | RUS | ENG |

Sambo yığmamız beynəlxalq turniri 5 medalla başa vurub

Sambo yığmamız beynəlxalq turniri 5 medalla başa vurub
Kazanda Tatarıstan Respublikası Prezidentinin mükafatı uğrunda "A” kateqoriyalı beynəlxalq turnir oktyabrın 6-da başa çatıb.

Yarışlarda Azərbaycanın sambo üzrə yığma komandasının tərkibində Ağasif Səmədov (52 kq), Mehman Xəlilov (57 kq), Fuad Məmmədov (62 kq), Cavidan Qarayev (62 kq), Emil Həsənov (68 kq), Samir Kərimov (74 kq), Abdulla Abdullayev (74 kq) və Ceyhun Hüseynov (82 kq) mübarizə aparıblar.

Sambo üzrə yığma komandanın baş məşqçisi Bəxtiyar Hacıyevin AZƏRTAC-a verdiyi məlumata görə, Azərbaycan yığması beynəlxalq turniri uğurla başa vurub. İdmançılarımızdan 4-nün yalnız finalda məğlub olduğunu bildirən baş məşqçi deyib: "Ağasif Səmədov (52 kq), Cavidan Qarayev (62 kq), Abdulla Abdullayev (74 kq), Emil Həsənov (68 kq) gümüş medal qazanıblar. Fuad Məmmədov (62 kq) isə turniri üçüncü pillədə başa vurub”.

O, həmçinin qeyd edib ki, bu turnir Belarusun paytaxtı Minskdə keçiriləcək ikinci Avropa Oyunlarına lisenziya xalı verən son yarış olduğu üçün xüsusi əhəmiyyət daşıyırdı. "Bir aydan sonra komandamız Buxarestdə kişilər arasında keçiriləcək dünya çempionatında iştirak edəcək. Mundial həm də Minskdəki Avropa Oyunlarına ən yüksək xal verən əsas yarışdır”, deyə o əlavə edib.

Qeyd edək ki, Kazanda Tatarıstan Respublikası Prezidentinin mükafatı uğrunda "A” kateqoriyalı beynəlxalq turnir oktyabrın 4-də start götürmüşdü. Rumıniyanın paytaxtı Buxarestdə kişilər arasında dünya çempionatı isə noyabrın 8-dən 12-dək keçiriləcək.





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7000
EUR 1 1 Avro 1.9254
GEL 1 1 Gürcüstan larisi 0.6403
GBP 1 1 İngiltərə funt sterlinqi 2.1261
IRR 100 100 İran rialı 0.0040
SEK 1 1 İsveç kronu 0.1872
CHF 1 1 İsveçrə frankı 1.7124
KWD 1 1 Küveyt dinarı 5.5837
TRY 1 1 Türkiyə lirəsi 0.3170