AZE | RUS | ENG |

Şair-publisist Aydın Tağıyev: Sabitliyimizə uzanan əllər suverenliyimizə, azadlığımıza yönəlib

Şair-publisist Aydın Tağıyev: Sabitliyimizə uzanan əllər suverenliyimizə, azadlığımıza yönəlib
İyulun 10-da Gəncədə baş verənlər xalqımızın birliyini pozmağa yönələn uğursuz cəhddir. Pozucu qüvvələrin məkrli niyyətlərinin qarşısı alınarkən çox təəssüf ki, iki rəşadətli polisimiz şəhid olub. Mən polisimizə əl qaldıran qatilləri lənətləyirəm. Bu gün Gəncəyə gedib həmin qəhrəman polislərimizin dəfn mərasimində iştirak edəcəyəm. Onlar bizim övladlarımızdırlar. Bizim polisimiz bizi qoruyur. Ötən gün Gəncədə bu bir daha təsdiqini tapdı. Təxribat törətməyə cəhd edənlər öz qarşılarında bizim şərəfli polisimizi gördülər. Sabitliyimizə uzanan əllər suverenliyimizə, azadlığımıza yönəlib.

Bu fikirləri AZƏRTAC-ın bölgə müxbirinə açıqlamasında Şabran ziyalısı, şair-publisist Aydın Tağıyev deyib.

"Burada məsələnin mahiyyəti gün kimi aydındır. Bizi istəməyən qüvvələr Azərbaycanın Prezident İlham Əliyevin rəhbərliyi ilə gündən-günə inkişaf etdiyini, dünyanın sayılıb-seçilən ölkələrindən biri olmasını heç cürə həzm edə bilmirlər. İqtisadi, siyasi yolla mübarizədə məğlub olan bu qüvvələr indi də terror, pozuculuq yolu seçiblər. Amma bu dəfə də cəhdləri boşa çıxdı, ifşa olundular. Bir daha gücümüzə bələd oldular. Allah şəhid polislərimizə rəhmət eləsin. Onlar bizim qəhrəmanlarımızdır”, - deyə Aydın Tağıyev bildirib.

Aydın Tağıyev vətəndaşlarımızı belə hadisələrə sərt mövqe bildirməyə, həmişə qətiyyəti, dövlətə sədaqəti ilə seçilən polisimizin yanında olmaqla ölkəmizdə xalq-iqtidar birliyinin sarsılmazlığını bütün dünyaya göstərməyə çağırıb.





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7000
EUR 1 1 Avro 1.9274
GEL 1 1 Gürcüstan larisi 0.6343
GBP 1 1 İngiltərə funt sterlinqi 2.2120
IRR 100 100 İran rialı 0.0040
SEK 1 1 İsveç kronu 0.1876
CHF 1 1 İsveçrə frankı 1.6906
KWD 1 1 Küveyt dinarı 5.5905
TRY 1 1 Türkiyə lirəsi 0.3112