AZE | RUS | ENG |

Şahidlər məhkəməyə məcburi gətiriləcək

Şahidlər məhkəməyə məcburi gətiriləcək
Bu gün Bakı Ağır Cinayətlər Məhkəməsində külli miqdarda mənimsəmədə və vəzifə səlahiyyətlərindən sui-istifadə etməkdə təqsirləndirilən keçmiş Rabitə və Yüksək Texnologiyalar Nazirliyinin Göyçay Telekommunikasiya Qovşağının müdiri İslam Əliyev və baş mühasibi Soltanəli Məmmədovun cinayət işi üzrə məhkəmə prosesi davam etdirilib.
 
APA-nın xəbərinə görə, hakim Əhməd Quliyevin sədrliyi ilə keçirilən prosesdə bəzi şahidlərin məhkəməyə gəlmədiyi məlum olub.
 
Məhkəmə onların barəsində məcburi gətirilmə qərarı çıxarıb.
 
Proses mayın 17-də davam etdiriləcək.
 
İttihama görə, təqsirləndirilən şəxslər vəzifə səlahiyyətlərindən istifadə edərək, tikinti materiallarının ayrılması üçün nazirliyə ayrılmış 3 milyon 245 min 598 manat məbləğində vəsaiti mənimsəyərək, öz ehtiyaclarını ödəməyə sərf ediblər.
 
Təqsirləndirilən şəxslərin işi keçmiş Rabitə və Yüksək Texnologiyalar Nazirliyinin sabiq aparat rəhbəri Vidadi Zeynalov və "Aztelekom” MMC-nin keçmiş baş direktoru Məmməd Məmmədovun cinayət işindən ayrılıb.
 
İttihamda göstərilən məbləğ onlar tərəfindən ödənildiyindən, hazırkı təqsirləndirilən şəxslərə qarşı yalnız 97 min manat məbləğində mülki iddia qaldırılıb.
 
Təqsirləndirilən şəxslər barəsində polisin nəzarətinə verilmə qətimkan tədbiri seçilib.





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.9515
GEL 1 1 Gürcüstan larisi 0.6378
GBP 1 1 İngiltərə funt sterlinqi 2.1928
IRR 100 100 İran rialı 0.004
SEK 1 1 İsveç kronu 0.1902
CHF 1 1 İsveçrə frankı 1.7328
KWD 1 1 Küveyt dinarı 5.6119
TRY 1 1 Türkiyə lirəsi 0.3115