Sahibkarlarımızı İrana dəvət etdilər

Gələn il İranda I Beynəlxalq süd məhsulları sənaye sərgisi keçiriləcək.
Azərbaycanda İxracın və İnvestisiyaların Təşviqi Fondundan (“Azpromo”) “APA-Economics”ə verilən məlumata görə, sərgi 2014-cü ilin fevralın 14-17-də İranın Gülüstan şəhərində təşkil olunacaq.
Azərbaycanda fəaliyyət göstərən sahibkarlar və işgüzar dairələr tədbirdə iştiraka dəvət olunub. Sərgidə iştirak etmək istəyənlər İranın Azərbaycandakı səfirliyinə müraciət edə bilər.