Sabiq prezident ağır xəstəliyə tutulub
"Marsel”in sabiq prezidenti Bernar Tapi ağır xəstəlikdən əziyyət
çəkir.
Kaspi.az xəbər verir ki, Tapi xərçəng xəstəliyinə düçar olub. Bu
barədə məlumatı 74 yaşlı sabiq futbol funksioneri özü verib. O, kimyaterapiya
aldığını bildirib və "Marsel” azarkeşlərinə də təşəkkür edib:
"Səhərlər xəstəliklə mübarizə aparmaq niyyəti ilə oyanıram.
Kimyaterapiya çox mürəkkəb prosesdir. Bu
prosesin sonu cərrahi müdaxiləyə gətirib
çıxarmalıdır.
Mənim qida borumu və mədəmi tamamilə götürə bilərlər. Hansısa məqamda
ölümün olması faktı ilə barışmalıyıq. Bu mübarizədən qalib
ayrılıb-ayrılmayacağımın isə heç bir əhəmiyyəti yoxdur. Mən çox sakitəm.
"Marsel” azarkeşlərinə təşəkkür edirəm. Onların dəstəyi ən yaxşı
kimyaterapiyadır. Bu klubda işləyərkən inanılmaz xoşbəxt anlar yaşamışam.
Azarkeşlərin dəstəyi onu göstərir ki, burda nəsə iz qoymuşam, boşuna
işləməmişəm”.
Tapi 1986-1994-cü illərdə "Marsel”in prezidenti olub. Onu rəhbərliyi
altında "Marsel” 4 dəfə Fransa çempionu olub, Çempionlar Liqasının qalibi
olub.