Sabahdan şagirdlərin elektron yerdəyişməsi başlanır

Sabahdan şagirdlərin elektron yerdəyişməsi başlanır

Cəmiyyət
14 Avqust 2019, 15:45 3401
Avqustun 15-dən "Şagird yerdəyişməsinin elektronlaşdırılması üzrə altsistem” istifadəyə veriləcək.
 
AZƏRTAC xəbər verir ki, Təhsil naziri Ceyhun Bayramov "Şagirdlərin yerdəyişməsi prosesinin elektronlaşdırılması haqqında” əmr imzalayıb. Əmrə əsasən, 2019-2020-ci dərs ilindən etibarən ümumtəhsil məktəb şagirdlərinin yerdəyişməsi ölkə üzrə elektron sistem vasitəsilə həyata keçiriləcək.
 
Əmr ümumi təhsil müəssisələrində şagird kontingentinin sabit saxlanmasına, şagirdlər haqqında statistik hesabatların dəqiq və optimal göstəricilər əsasında formalaşdırılmasına nail olmaq və icbari təhsilin yerinə yetirilməsinə rəhbərlik və nəzarətin gücləndirilməsini təmin etmək məqsədi daşıyır.