Saakaşvili: “Azərbaycanın bizə etdiyini qardaş-qardaşa etməz”
APA-nın Gürcüstan bürosunun məlumatına görə, bu sözləri Gürcüstan prezidenti Mixail Saakaşvili Qardabanidə azərbaycanlılarla görüşdən sonra jurnalistlərə açıqlamasında deyib. O bildirib ki, Azərbaycan nəinki Cənubi Qafqazda, eləcə də bütün Qafqazda öz sözünü deyən ən böyük və güclü dövlətdir: “Azərbaycan Gürcüstanın çiçəklənməsində və iqtisadiyyatının inkişafında ən önəmli rol oynayan qonşu, strateji tərəfdaş və qardaş ölkədir. Azərbaycan dövləti Gürcüstanın çətin vaxtlarında elə bir iş görüb ki, qardaş-qardaşa bunu etməyib. Bu, tarixi hadisə idi. Bunu unutmağa bizim haqqımız yoxdur və unuda bimərik”.
Mixail Saakaşvili İlham Əliyevin yenidən Azərbaycan prezidenti seçilməsinə də münasibət bildirib: “İlham Əliyevin yenidən prezident seçilməsi məni çox sevindirdi. Onun qələbəsi Gürcüstanın inkişafı deməkdir”.
M. Saakaşvili Azərbaycanla birlikdə Gürcüstanın hələ bir çox vacib layihələr həyata keçirəcəyini vurğulayıb: “Biz Bakı-Tbilisi-Qars dəmir yolu və digər layihələri vətəndaşlarımızın firavanlığı və sosial həyat şəraitinin yaxşılaşdırması, onların sülh şəraitində yaşaması üçün həyata keçiririk”.
Mixail Saakaşvili İlham Əliyevin yenidən Azərbaycan prezidenti seçilməsinə də münasibət bildirib: “İlham Əliyevin yenidən prezident seçilməsi məni çox sevindirdi. Onun qələbəsi Gürcüstanın inkişafı deməkdir”.
M. Saakaşvili Azərbaycanla birlikdə Gürcüstanın hələ bir çox vacib layihələr həyata keçirəcəyini vurğulayıb: “Biz Bakı-Tbilisi-Qars dəmir yolu və digər layihələri vətəndaşlarımızın firavanlığı və sosial həyat şəraitinin yaxşılaşdırması, onların sülh şəraitində yaşaması üçün həyata keçiririk”.