Rusiyalı elm adamları AzTU-da olublar - Fotolar
Rusiya Federasiyası Kalaşnikov adına
İjevsk Dövlət Texniki Universitetinin rektoru, professor Boris Yakimoviç və Dağıstan Dövlət Texniki Universitetinin nümayəndələri
Elena Pavlyuçenko, Aida Fatullayeva, İzmet Meylanov və Nadir Sanaev Azərbaycan
Texniki Universitetində (AzTU) olublar.
AzTU-nun rektor əvəzi Xalıq Yahudov qonaqlara rəhbərlik
etdiyi ali təhsil ocağı haqqında geniş məlumat verərək bildirib ki, Azərbaycanda
texniki sahənin inkişafı bu gün prioritet sahədir. Prezident İlham Əliyevin rəhbərliyi
ilə ölkədə sənayenin inkişafı və xüsusilə texniki sahədə elmi potensialın
genişləndirilməsi üçün vacib addımlar atıldığını qeyd edən, rektor əvəzi
rusiyalı elm adamlarına Universitetdə yaradılan yeni laboratoriyalar, tədris mərkəzləri,
kitabxana və digər yeniliklərdən danışıb. Xalıq Yahudov bildirib ki, AzTU-nun yüksəkixtisaslı
mühəndis kadrların hazırlığı sahəsindəki fəaliyyəti və uğurlu beynəlxalq əlaqələr
təcrübəsi Rusiya ali məktəbləri ilə təhsil, elmi-tədqiqat və akademik mübadilələr
sahəsində geniş əməkdaşlıq imkanı yaradır.
Görüş zamanı hər iki universitet nümayəndələri
AzTU-ilə əməkdaşlıq etmək niyyətində olduqlarını bildiriblər və gələcəkdə görüləcək
işlərin müzakirəsi aparılıb.
Toplantıda birgə tədqiqatlar aparılması, qarşılıqlı
maraq doğuran layihələrin təklifi, müdafiə sənayesi üçün yüksəkixtisaslı mühəndis
kadrların hazırlığının intensivləşdirilməsi, birgə elmi və texniki konfranslar,
simpozium, sərgi və seminarların təşkili, müştərək tədris proqramları
hazırlamaq və magistr-doktorantların mübadiləsi məsələləri müzakirə edilib.
Kalaşnikov adına İjevsk Dövlət Texniki Universitetinin
rektoru, professor Boris Yakimoviç Azərbaycanda müdafiə sənayesinin sürətlə
inkişaf etdiyini deyib və bu sahənin inkişafına Azərbaycan Texniki
Universitetinin verdiyi töhfəyə diqqət çəkib.
Toplantıdan sonra qonaqlar Azərbaycan Texniki
Universitetindəki Heydər Əliyev Mərkəzində Ulu Öndərərin həyat və fəaliyyəti ilə
tanış olublar və xatirə kitabına ürək sözlərini yazıblar.