• cümə, 29 Mart, 11:24
  • Baku Bakı 5°C

Rusiyada limit dəyişdi, razılar da var, narazılar da

27.06.19 10:37 749
Rusiyada limit dəyişdi, razılar da var, narazılar da
2020/2021 mövsümündən Rusiya çempionatında yeni legioner limiti tətbiq olunacaq.
Kaspi.az xəbər verir ki, bu barədə qərar Rusiya Futbol İttifaqı İcraiyyə Komitəsinin iclasında qəbul olunub. Yeni qaydaya görə, klublar iştirak ərizəsinə 8 legionerin adını sala biləcəklər.
Legionerlərin eyni vaxtda meydanda olmasına isə limit tətbiq edilməyəcək. Yəni eyni vaxtda meydanda 8 legioner ola bilər.
Rusiyanın futbol mütəxəssisləri bu qərarı birmənalı qəbul etməyiblər. Bəziləri qərardan razı, bəziləri isə narazıdır. Narazılardan biri də "Zenit”in baş məşqçisi Sergey Semakdır:
"Mövqeyim dəyişməz qalır. Belə limitin əleyhinəyəm. Bu limit rusiyalı futbolçuların dəyərini həddindən artıq şişirdir. Bu da futbolçularımızın Avropada oynamaq potensialını əhəmiyyətli dərəcədə azaldır.
Mənə görə, ən uyğun variant 10+15 idi. Belə olsaydı, sağlam rəqabət yaratmaq mümkün idi. İndiki qərarda yaxşı heç nə görmürəm”.
"Lokomotiv”in baş məşqçisi Yuri Syomin isə qərardan razıdır: "Qərarı müsbət qəbul edirəm. Hesab edirəm ki, düzgün addım atılıb. Artıq bu qaydaya ilə işləməliyik, vəssalam”.
banner

Oxşar Xəbərlər