Bakı 27°C
Rusiya, Türkiyə və İran İdlib üzrə danışıqları davam etdirəcəklər
Rusiya Astana prosesi üzrə tərəfdaşları (Türkiyə və İran) ilə birgə bundan sonra da Suriyanın İdlib bölgəsində vəziyyətin həllini danışıqlar vasitəsi ilə axtarmaq niyyətindədir.
Trend-in məlumatına görə, bu barədə Rusiyanın BMT-dəki daimi nümayəndəsi Vasiliy Nebenzya bildirib.
V.Nebenzya deyib: "Rusiya İdlib ətrafında vəziyyətin danışıqlar yolu ilə nizamlanması, mülki əhaliyə zərər dəyməməsi üçün digər Astana prosesinin qarant-ölkələri ilə birlikdə böyük səylər göstərib və göstərməyə davam edəcək ".
Daimi nümayəndə əlavə edib ki, optimal həllin tapılması üzrə işlər davam etdiriləcək.
Qeyd edək ki, sentyabrın 17-si Rusiya prezidenti Vladimir Putin və Türkiyə prezidenti Rəcəb Tayyib Ərdoğan 15 oktyabr üçün İdlib əyalətində demilitarizasiya zonası yaratmaq barədə razılığa gəliblər.
