AZE | RUS | ENG |

Rusiya Ermənistandakı hərbi bazalarından çəkilir?

Rusiya Ermənistandakı hərbi bazalarından çəkilir?
Rusiya ordusu bu ölkədəki 30 obyektindən 10-nu təhvil verəcək

Rusiya Ermənistanın Gümrüdəki hərbi bazalarını optimallaşdırma prosesi çərçivəsində Ermənistana verəcək. Bu barədə Ermənistanın Müdafiə Nazirliyi məlumat verib. Artıq bununla bağlı hökumətlərarası protokolun layihəsini Moskva təsdiqləyib. Layihənin 1996-cı ildə imzalanan Rusiya və Ermənistan arasındakı sazişə əsasən hazırlandığı bildirilir. Protokol imzalanandan sonra struktur dəyişikliyi və yerdəyişmə adı altında Rusiya ordusunun oradakı 30 obyektindən 10-u Ermənistana veriləcək. Protokolun imzalanması üçün səlahiyyətlər Rusiya Müdafiə Nazirliyinə verilib, ancaq nə vaxt imzalanacağı bildirilmir. Bu haqda razılaşma Yerevan yaxınlığındakı Baqramyan poliqonunda ötən həftə keçirilən MDB Kollektiv Təhlükəsizlik Müqaviləsi Təşkilatının birgə hərbi təlimləri zamanı əldə edilib. “PanAermenian” saytı yazır ki, Ermənistan müdafiə naziri Seyran Ohanyan Rusiya müdafiə naziri Anatoly Serdyukovla görüşdən sonra bildirmişdi ki, onlar Rusiyanın Gümrü şəhərindəki 102-ci hərbi bazası ilə bağlı hüquqi məsələləri və Rusiya ordusunun 10 hərbi hissəsinin təhvil verilməsini müzakirə ediblər. Anatoli Serdyukov isə həmin brifinqdə Rusiya - Ermənistan əməkdaşlığının ən yüksək səviyyədə olduğunu bildirib, regiondakı çağırışlara daha yaxşı cavab vermək üçün buradakı Rus ordusunun yerdəyişmələrə başladığı bildirilib. Rusiya müdafiə naziri 10 obyektin erməni tərəfinə veriləcəyini və hazırda həmin təhvil-təslimlə bağlı texniki və avadanlıq məsələlərinin həlli üzərində işlədiklərini deyib. Nə erməni, nə də rus saytları sözügedən 10 obyektdə hərbi texnikanın taleyi haqda heç nə yazmırlar. Ermənistandakı 102-ci Rusiya hərbi bazası Gümrü şəhərində yerləşir. 2008-ci ildəki Rusiya-Gürcüstan savaşına qədər burada 3500 rus kontingenti xidmət edirdi. 2008-ci ildən sonra Ermənistandakı rus əsgərlərinin sayı 5 minə qalxıb. 2009-cu ildən Rusiya ordusu Ermənistandakı hərbi qüvvələrinin struktur islahatına başlayıb və piyada qoşunlarını 2 motor-atıcı briqada şəklində ayırıb. 2011-ci ilin iyun ayında isə Rusiya Müdafiə Nazirliyi bildirmişdi ki, Gümrüdəki hərbi bazadakı muzdlu əsgərlərin sayını 2 dəfə artıracaq. Müxtəlif mənbələrə görə, Rusiyanın Ermənistandakı silahlı qüvvələri 74 tank, 17 BMP, 148 BTR, 84 artilleriya qurğusu, 18 MİG-29 təyyarəsi və S-300 raket batareyalarından ibarətdir. Ancaq Gürcüstandakı Rusiya hərbi bazalarından da bura 35 tank və 370 zirehli döyüş maşını göndərilib. Rusiya ordusu müqaviləyə əsasən Ermənistanın Türkiyə və İranla quru sərhədlərini və bütün hava sərhədlərini qoruyur. Ermənistan ərazisində mövcudluğunun əvəzində isə yerli ordunu müasir texnika ilə təmin etmək kimi öhdəliyi də var. Rusiya bazasının müddəti 2024-cü ildə bitirdi. Ancaq 2010-cu ildə imzalanan yeni müqaviləyə görə rus qoşunlarının vaxtı 2044-cü ilə qədər uzadılıb.

Kamran

Paylaş:

Facebook-da

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.8876
GEL 1 1 Gürcüstan larisi 0.583
GBP 1 1 İngiltərə funt sterlinqi 2.0559
IRR 100 100 İran rialı 0.004
SEK 1 1 İsveç kronu 0.1763
CHF 1 1 İsveçrə frankı 1.7369
KWD 1 1 Küveyt dinarı 5.5865
TRY 1 1 Türkiyə lirəsi 0.3056