“Rouminqdə olarkən necə qənaət etmək olar?”- Şəxsi təcrübə
Xarici
ölkələrə səfər edərkən mobil cihazlar vasitəsilə dünyanın hər yerində internetə
daxil olub elektron poçtu yoxlamaq, sosial şəbəkələr vasitəsilə yazışmaq və
danışmaq müasir dövrün uğurudur. Xüsusən xarici ölkəyə səfər edərkən şəxsi
mobil nömrəmizi dəyişmədən telefonda internetdən istifadə etməyə və ya zəng
edib sms qəbul etməyə ehtiyac duyuruq. Biz bu ehtiyacımızı rouminq
texnologiyası vasitəsi ilə ödəyirik. Mobil istifadəçilərin öz mobil operatorlarının
əhatə dairəsini tərk etdikləri zaman rouminq səfərdə olanlar üçün xüsusən
əhəmiyyət daşıyır. Məsələn, istifadəçilərinin öz ölkəsinin sərhədlərindən
kənarda səyahət edərkən zəng edə və ya İnternet xidmətlərindən istifadə edə biləcəkləri
haqda "Bakcell”in təklif etdiyi xidmətlər haqda məlumatım var idi. Xidmət mobil
operatorla digər mobil şəbəkə provayderləri arasındakı razılaşmalar ilə
tənzimlənən qaydalar çərçivəsində həyata keçirilir. Əlbəttə, ezamiyyət və məzuniyyətlərdə, turist və ya işgüzar
səfərlər zamanı tez-tez xaricdə olanların "Rouminqdən istifadə edərkən necə çox
pul sərf etməməli?”- deyə onları düşündürən suala mən də cavab axtarırdım. Hamı
kimi çox vaxt da özümə "Danışıqları azaltmaq” yolu ilə cavabını verirdim. Amma
dost və doğmalarla, eləcə də biznes məqsədləri üçün mobil telefonla əlaqə
qurmaq istəyənlərə bu qərar o qədər də sərf etmir. Təbii ki, rouminq zamanı
ödəniş məbləği ölkədaxili tariflərlə deyil, rouminq tarifləri ilə hesablanır. Bir
ay öncə Almaniyada və Luksemurqda olarkən CİN tarifində "Bakcell”in rouminqdən
istifadə etdim və xeyli faydalandım. Heydər Əliyev Hava Limanında kodu
yığdıqdan sonra Frankfurt Aerportunda təyyarədən enərkən dərhal yerli operatoru
seçmək üşün mesaj aldım. "Vodafone” operatorunu seçməklə çıxan zənglərə görə
1.29, daxil olan zənglər üçün 39 qəpik,
bir SMS-ə görə 19 qəpik, 1 mb internetə görə 1.19 qəpik sərf rtmək şansı qazandım. Doğmalarımla və
dostlarımla rahat ünsiyyət qura bildim. Eyni qayda ilə Lüksemburqa
səfərimdə "Tanqo” operatorunu seçib eyni
xidmətdən yararlandım. Rahat danışıq və internet xidmətindən istifadə xidməti məni
məmnun etdi.
Bu
günlərdə yenidən Almaniyaya işgüzar səfərim ərəfəsində "Bakcell”in mobil
istifadəçilər üçün xarici ölkədə olan zaman internet xidmətlərini sadələşdirmək
və daha sərfəli etmək üçün "Ağıllı internet tarifi” paketini təklif etdiyini
öyrəndim. Bu, istifadəçilərə rominq
zamanı da, ölkə daxilində istifadə etdikləri kimi təklif edilən internet paketidir.
Həmin internet paketi ölkədaxili internet paketi qiymətlərindən baha olmasına
baxmayaraq, hər meqabayt (MB) üçün ödənilən məbləğin hesabı rouminq
qiymətlərindən daha sərfəlidir. Bundan əlavə, istifadəçi rouminqdə olan zaman
öz balansına nəzarət etmək imkanı əldə edir ki, bu da öz növbəsində çox
vacibdir. Yəqin ki, xarici ölkədə olarkən birdən-birə balansın borcdan
bağlanması bir çoxumuz üçün heç də arzuolunan hal hesab oluna bilməz. Xüsusilə
də, tanımadığınız ölkədə harasa getməyə çalışırıqsa. Belə internet paketləri
hal-hazırda dünya təcrübəsində geniş istifadə olunur. Həmin paket vasitəsilə
internetdən vətəndə olduğu kimi istifadə edə bildim. Rouminq operatorunu seçib
təklifi aktivləşdirməklə paketdən faydalandım.
Rouminq
biznesini ayrıca bir biznes dünyası adlandıran ekspert İmran Bağırovun fikrincə, ilk növbədə rouminq prosesinin
necə getdiyini bilmək lazımdır. Belə ki, rouminq həmin ölkənin operatorunun
qoyduğu qiymətdən başlayır: "Bütün dünyada rouminqdəki qiymətlər həmin ölkənin
operatorunun verdiyi qiymətdən asılıdır. Əlbəttə, paketlərin qurulması üçün onun
digər ölkələrə endirim verməsi lazımdır. Bəzi ölkələr endirimlər verir, bəzi
ölkələr də var ki, operatorları heç bir endirim təklif etmirlər”. Ekspertlərin
"Ağıllı internet tarifi” operatorların rəqabətdə uğurudur” fikirlərini
abonentlərin istifadəçiləri olduqları xidmətdən razılıqları da təsdiqləyir.
"Bakcell”in
istifadəçiləri ölkə xaricində olarkən provayderin təqdim etdiyi ağıllı internet
paketinə avtomatik qoşulma imkanı qazanmaqla bərabər, xidmətin
keyfiyyətindən razılıq edir və paketdən
rahatlıqla yararlana bilirlər. İstifadəçilər dünyanın harasında olduqlarından
asılı olmayaraq Bakcell istifadəçiləri rouminq internetindən asanlıqla sərfəli
qiymətlərlə faydalana bilirlər. Ölkənin ilk mobil operatoru bu sahədə
liderliyini qoruyub saxlayır və abonentlərinin istifadəsi üçün trendləri davam
etdirməkdədir.
Təranə