Bakı 14°C
“Rossiya” telekanalı I Avropa Oyunlarının yayım hüququnu əldə edib
“Bakı-2015” birinci Avropa Oyunları Rusiyanın “Rossiya” milli televiziya kanalı ilə müqavilə imzalayıb.
APA-nın AZƏRTAC-a istinadən verdiyi məlumata görə, kanal birinci Avropa Oyunlarını həm ödənişsiz yayım şəbəkəsi, həm də kabel televiziyası vasitəsilə nümayiş etdirmək hüququ ədlə edib.
Müqaviləyə əsasən, birinci Avropa Oyunları Rusiyada 53 milyon evdə yayımlanacaq.
“Rossiya 2” (ödənişsiz yayım), “Sport”, “Sport-1” və “Döyüş klubu” (kabel televiziyası) kanallarının birlikdə həyata keçirəcəkləri gündəlik 10 saatlıq yayım vasitəsilə rusiyalı tamaşaçılar Bakıdakı idman tədbirini izləyə biləcəklər. Eyni zamanda, Rusiyanın iki aparıcı idman veb-səhifəsi - vesti.ru və sportbox.ru da Oyunların onlayn yayımını həyata keçirəcək.
“Bakı-2015”in əməliyyatlar üzrə baş direktoru Saymon Kleq birinci Avropa Oyunlarının “Rossiya” televiziya kanalı ilə yayımlanması barədə razılığın əldə edilməsindən məmnun olduğunu bildirib: “Rusiya Olimpiya Komitəsi Bakıya 300-dən çox ən yaxşı idmançısını göndərəcək və bu ölkənin idman ictimaiyyəti də “Rossiya” televiziya kanalı ilə qurduğumuz tərəfdaşlıq çərçivəsində bütün platformalar üzrə geniş yayımdan zövq alacaq”.
“Rossiya” televiziya kanalının idman şöbəsinin rəhbəri Aleksandr Tasçin isə bunları deyib: “Birinci Avropa Oyunları dünyanın ən irimiqyaslı idman tədbirlərindən biridir. Bir faktı da nəzərə almaq lazımdır ki, Avropa Oyunları 12 idman növü üzrə “Rio-2016” Yay Olimpiya Oyunlarına lisenziya qazanmaq imkanı verir. Eyni zamanda, bizim üçün milli komandamızın uğurlarını nümayiş etdirmək olduqca mühümdür. Rusiya Oyunlarda ən böyük heyətlə təmsil olunacaq. Məhz buna görə də maksimum şəkildə bütün yarışların yayımını televiziya tamaşaçılarına təqdim etməyə hazırıq”.
APA-nın AZƏRTAC-a istinadən verdiyi məlumata görə, kanal birinci Avropa Oyunlarını həm ödənişsiz yayım şəbəkəsi, həm də kabel televiziyası vasitəsilə nümayiş etdirmək hüququ ədlə edib.
Müqaviləyə əsasən, birinci Avropa Oyunları Rusiyada 53 milyon evdə yayımlanacaq.
“Rossiya 2” (ödənişsiz yayım), “Sport”, “Sport-1” və “Döyüş klubu” (kabel televiziyası) kanallarının birlikdə həyata keçirəcəkləri gündəlik 10 saatlıq yayım vasitəsilə rusiyalı tamaşaçılar Bakıdakı idman tədbirini izləyə biləcəklər. Eyni zamanda, Rusiyanın iki aparıcı idman veb-səhifəsi - vesti.ru və sportbox.ru da Oyunların onlayn yayımını həyata keçirəcək.
“Bakı-2015”in əməliyyatlar üzrə baş direktoru Saymon Kleq birinci Avropa Oyunlarının “Rossiya” televiziya kanalı ilə yayımlanması barədə razılığın əldə edilməsindən məmnun olduğunu bildirib: “Rusiya Olimpiya Komitəsi Bakıya 300-dən çox ən yaxşı idmançısını göndərəcək və bu ölkənin idman ictimaiyyəti də “Rossiya” televiziya kanalı ilə qurduğumuz tərəfdaşlıq çərçivəsində bütün platformalar üzrə geniş yayımdan zövq alacaq”.
“Rossiya” televiziya kanalının idman şöbəsinin rəhbəri Aleksandr Tasçin isə bunları deyib: “Birinci Avropa Oyunları dünyanın ən irimiqyaslı idman tədbirlərindən biridir. Bir faktı da nəzərə almaq lazımdır ki, Avropa Oyunları 12 idman növü üzrə “Rio-2016” Yay Olimpiya Oyunlarına lisenziya qazanmaq imkanı verir. Eyni zamanda, bizim üçün milli komandamızın uğurlarını nümayiş etdirmək olduqca mühümdür. Rusiya Oyunlarda ən böyük heyətlə təmsil olunacaq. Məhz buna görə də maksimum şəkildə bütün yarışların yayımını televiziya tamaşaçılarına təqdim etməyə hazırıq”.
