Ronaldonun iddiası - O, dünyanın ən yaxşısı olacaq
PSJ-nin futbolçusu Neymarın "Real”a keçəcəyi ilə bağlı müzakirələr
səngimir.
Kaspi.az xəbər verir ki, Braziliya futbolunun əfsanəsi, "Real”ın
sabiq futbolçusu Ronaldo da bu məsələyə münasibət bildirib. O, keçid barədə hər
hansı bilgiyə sahib olmadığını deyib. Ancaq Ronaldo Neymarın "Real”da
oynamasını istədiyinə işarə edib:
"Bu barədə heç nə deyə bilmərəm. "Real” rəhbərliyindən məsələ ilə
bağlı heç nə eşitməmişəm. Biz yalnız hazırda olanlarla bağlı fikir bildirə
bilərik.
Ola bilsin ki, Neymar yaxın vaxtlarda dünyanın ən yaxşı futbolçusu
olacaq. "Real”ın isə ən yaxşılara həmişə
ehtiyacı var”.