Bakı 24°C
Ronaldo meydandan kənarda məğlub oldu
"Yuventus”un futbolçusu Kriştiano Ronaldo məhkəmə çəkişməsində məğlub
olub.
Kaspi.az xəbər verir ki, Ronaldo "Der Spiegel” nəşrini məhkəməyə
vermişdi. Nəşr Ronaldonun vergidən yayınması ilə bağlı məlumat dərc etmişdi.
Portuqal futbolçunun vəkilləri nəşri şəxsi həyata qarışmaqda ittiham
edirdilər. 2017-ci ildə Hamburq məhkəməsi tələb etmişdi ki, məlumat müvəqqəti
olaraq nəşrin elektron saytından götürülsün.
Aprelin 2-də isə Ronaldonun vəkilləri məğlub olacaqlarını görüb,
jurnala qarşı qaldırdıqları iddiadan imtina ediblər.
Onu da qeyd edək ki, İspaniya məhkəməsi Ronaldonu vergidən yayınmaqda
ittiham edərək, 18,8 milyon avro cərimə edib.
