Ronaldo FİFA-nın mükafatlandırma mərasiminə getməyəcək
FİFA sentyabrın
24-də ilin ən yaxşı futbolçusunun mükafatlandırma mərasimini keçirəcək.
Kaspi.az xəbər
verir ki, "Yuventus”un futbolçusu Kriştiano Ronaldo bu mərasimə qatılmayacaq.
Baxmayaraq ki, Ronaldo mükafata 3 namizəddən biridir.
Kriştiano təşkilatçıları,
mərasimə qatılmayacağı ilə bağlı məlumatlandırıb. O, komandasının sıx qrafikini
əsas gətirərək belə qərar verdiyini bildirib.
Ancaq mətbuat iddia
edir ki, Ronaldo qalib gələ bilməyəcəyini bildiyi üçün, mərasimə qatılmaqdan
imtina edib. İlin ən yaxşı futbolçusu adına digər iki namizəd Luka Modriçlə Məhəmməd
Salahdır.
Mükafatlandırma
mərasimi Londonda keçiriləcək.