Ronaldo çatır, Levandovski qaçır
Polşa yığması DÇ-2018-in seçmə mərhələsində Monteneqroya 4:2 hesabı
ilə qalib gələrək, mundiala birbaşa vəsiqə qazanıb.
Kaspi.az xəbər verir ki, Polşanın hücumçusu Robert Levandovski bu
oyunda da bir dəfə fərqlənib. Bununla da o, seçmə mərhələdə vurduğu qolların
sayını 16-ya çatdırıb.
Levandovski bu nəticə ilə yeni Avropa rekordu müəyyənləşdirib. Qeyd
edək ki, Robert Ermənistanla qarşılaşmada da fərqlənərək, seçmə mərhələdə
qollarının sayını 15-ə çatdırmış və Herd Müllerin 14 topluq rekordunu
yeniləmişdi.
Portuqaliya yığmasının lideri Kriştiano Ronaldoda da bir gün sonra bu
rekordu təkrarlamışdı. İndi söz yenə də Ronaldonundur. Portuqaliya yığması
seçmə mərhələnin son turunda - oktyabrın 10-da İsveçrə ilə qarşılaşacaq.