Bakı 14°C
Romario prezident olmaq istəyir
Braziliya yığmasının sabiq futbolçusu Romario korrupsiya ilə mübarizə
aparmaq niyyətindədi.
Kaspi.az xəbər verir ki, Romario Braziliya futbolunda korrupsiyanın
kökünü kəsmək istəyir. O, bunun üçün Braziliya futboluna rəhbərlik etmək
fikrindədir.
Romario Braziliya Futbol Konfederasiyasında keçiriləcək prezident
seçkilərində namizədliyini irəli sürməyi planlaşdırır. 51 yaşlı Romario məsələ
ilə bağlı fikirlərini də bildirib:
"Bu gün federasiya zinət üçün daha çox pul xərcləyir, nəinki futbol
üçün. Biz korrupsiya "kranı"nın ağzını bağlamalıyıq. Gənc idmançıları
maliyyələşdirməli, qadın futboluna, aşağı divizionlara yatırım qoymalıyıq”.
DÇ-1994-ün qalibi "Podemos" partiyasının üzvüdür və
Braziliya parlamentində təmsil olunur.
