“Roma” “Qarabağ”ın “qurbanı” ilə razılaşdı
İsveç yığmasının
və "Kopenhagen”in qapıçısı Robin Olsen karyerasını İtaliyada davam etdirəcək.
Kaspi.az xəbər
verir ki, "Roma” Alison Bekeri "Liverpul”a satdıqdan sonra qapıçı mövqeyində
yaranan boşluğu Olsenlə doldurmaq qərarına gəlib. Artıq klublar arasında
razılıq əldə olunub.
Olsenin sabah
İtaliyaya gedəcəyi və tibbi baxışdan keçəcəyi gözlənilir. "Roma” 28 yaşlı
qapıçıya görə 11,5 milyon avro ödəyəcək.
Olsen DÇ-2018-də
İsveç yığmasının heyətində 5 oyun keçirib, 4 qol buraxıb. "Kopenhagen” ötən il
ÇL-in pley-off mərhələsində "Qarabağ”a məğlub olmuşdu.