Robert Köçəryanın “başını” tələb edirlər
"Mən "1 mart” qətliamı ilə bağlı Robert Köçəryanın istintaq dindirilməsinə
çağırılması barədə yazılı surətdə Ermənistanın baş prokuroruna müraciət
etmişəm”. Bu sözləri özünün "facebook” səhifəsində "Çıxış” blokunun parlament
fraksiyasının rəhbəri Nikol Paşinyan bəyan edib. "Mən tələb edirəm ki, baş
prokuror, Robert Köçəryanın dindirilməsi üçün zəruri tədbirlər görsün, - deyə
N.Paşinyan bəyan edib. Blokun rəhbəri Nikol Paşinyan bildirib ki, onların
məramı 2008-ci il mart hadisələri zamanı törədilən qətllərin üzə
çıxarılmasıdır. Əlavə edib ki, hakimiyyətə həmin hadisələrlə bağlı "səhifənin”
qapanmadığını və günahkarlar məhkəmə qarşısında dayanmayana qədər prosesin
davam edəcəyini sübut etmək istəyirlər. Onun sözlərinə görə, 2008-ci il 1 mart
hadisələri açılmadan Ermənistanda ədalətli seçkilərdən söhbət gedə bilməz. "2008-ci
ildə də Sarkisyan hakimiyyətə seçkiləri saxtalaşdırmaq yolu ilə gəlmişdi və o
vaxt bu, ölkədə qarşıdurmaya səbəb olmuşdu. Sarkisyanın hər dəfə seçkiləri
saxtalaşdırması və hakimiyyəti qoruyub saxlamağa cəhd etməsi buna etiraz edən
xalqın, siyasi güclərin meydana çıxmasına gətirib çıxaracaq. 2008-ci ildə də
belə olmuşdu və xalq Sarkisyanın seçkiləri saxtalaşdırmaq yolu ilə prezident
seçilməsinə etiraz edərək küçələrə çıxmışdı”, - deyə o bildirib.
"1in.am” informasiya agentliyində dərc olunan məqalədə qeyd edilir
ki, "Çıxış” bloku 1 mart mövzusunda parlament dinləmələrinin keçirilməsi
təşəbbüsü ilə çıxış edib və gözlənilmədən hakim Respublika Partiyası da
müxalifətin bu təşəbbüsünün gündəliyə salınmasını dəstəkləyib. Bundan əlavə,
parlamentin 1 mart hadisələri ilə bağlı müvəqqəti komissiyasının keçmiş rəhbəri
Samvel Nikoyan açıq şəkildə bəyan edib ki, Robert Köçəryanı istintaqa çağırmaq
zəruridir. Görünür, burada hakim partiyanın öz maraqları var. Təşəbbüsü
müxalifətin əlindən almaq niyyətinə düşən Serj Sarkisyan, bununla Köçəryanı
zərərsizləşdirməyə çalışa bilər. Belə bir sual ortaya çıxır - nə üçün Sarkisyan
indi birdən birə 27 oktyabr "silahını” Köçəryana qarşı istifadə etməyə çalışır
- bu ayrıca analiz tələb edir. Ən ağlabatan versiya odur ki, Serj Sarkisyan
bununla hakimiyyəti Köçəryanın kadrlarından təmizləməyə çalışır.
O ki qaldı Paşinyanın bəyanatına – bunu daha çox Sarkisyana
ünvanlanan mesaj kimi qəbul edirlər. "1in.am” qeyd edir ki, Robert Köçəryanın
"başını” tək ictimaiyyət və müxalifətin bir hissəsi deyil, həm də hakimiyyətin
bir çox seqmentləri də tələb edir. O qüvvələr 1 Mart yükündən birdəfəlik yaxa
qurtarmağa çalışır. Əgər 1 Mart Köçəryanın "ayağına” yazılsa, bu hakimiyyətin xarakterini
köklü şəkildə dəyişmiş olacaq. Həm də "Çıxış” blokunun həyat fəaliyyətini
artırmış olacaq. Bu, hakimiyyətlə müxalifət arasında yeni münasibətlərin
başlanğıcı olacaq. Minimum müxalifət-iqtidar dialoqu üçün meydança yaranmış
olacaq”.
Ölkəə isə yeni gərginlik meydanına çevrilə bilər. Prezident
seçkilərinə elə də əhəmiyyət verməyən müxalifət, Sarkisyanın baş nazirliyinə
qarşıdır. Ermənistanın hakim partiyası ötən gün digər siyasi qrupları baş
nazirliyə namizədlərini irəli sürməyə çağırıb. Bu ay ölkədə konstitusiya
islahatı tamamlanır və baş nazir ölkənin ali postuna çevriləcək. Ermənistanın
Respublika Partiyasının parlament fraksiyasının rəhbəriVahram Baqdasaryandeyib
ki, partiyası müxalifətin namizədlərinin müzakirəsinə hazırdır, amma başqa
partiyalardan namizəd irəli sürən olmayıb.
Baqdasaryanın fikrincə, hakim partiyanın lideri, prezidentlikdən
getməkdə olan Serj Sarkisyan ölkənin növbəti baş naziri olmağa hamıdan çox
layiqdir. Baqdasaryan deyib ki, Sarkisyan bu ağır "yükü” hamıdan yaxşı daşıya
bilər. Hakim partiyanın bir neçə üzvü də Sarkisyanın baş nazirliyə
namizədliyini dəstəklədiyini bildirib. Elə onun özü də belə bir ehtimalı
istisna etməyib. Amma 2014-cü ildə demişdi ki, təklif etdiyi konstitusiya
dəyişikliklərinə uyğun olaraq, Ermənistan parlament respublikasına çevrilərsə,
o, baş posta iddia etməyəcək. Koalisiya tərəfdaşı Daşnaksütunla birlikdə, hakim
partiya parlament çoxluğuna sahibdir və rahatlıqla öz namizədini ölkənin baş
naziri postuna gətirə biləcək. Amma Ermənistanın azı bir müxalifət qrupu Sarkisyana
xəbərdarlıq edib ki, hakimiyyətdən kənar dursun. "Serj Sarkisyan vədinin
ziddinə gedərək baş nazirliyə namizədliyini versə, bu, ölkədə siyasi durumu
kəskin gərginləşdirə bilər”, – parlamentdəki müxalif "Çıxış” fraksiyasının
rəhbəriNikol Pashinyandeyib. "Çıxış” alyansı, Sarkisyan baş nazir
olarsa, küçə etirazları planlaşdırır. Amma Baqdasaryan belə küçə etirazlarının
kütləvilik qazanmayacağını söyləyib. Onun fikrincə, müxalif alyansı parlament
platformasından istifadə etsə, daha yaxşı olar. "Siyasəti küçəyə daşımaq heç
vaxt nəticə verməyib, nə ölkənin inkişafı, nə də konkret siyasi qrupun inkişafı
baxımından səmərəli olmayıb”, – Baqdasaryan deyib. Ermənistanın yeni
Konstitusiyasına uyğun olaraq, aprelin 9-da, Sarkisyanın prezidentlik səlahiyyəti
bitincə, hökumət istefaya gedəcək. Ondan sonra parlamentdəki siyasi partiyalar
bir həftə içində baş nazir postuna namizədlərini irəli sürəcəklər.
Azər NURİYEV