Robbenlə Riberi dostlaşıblar?
"Bavariya”nın prezidenti Uli Höness komandanın yarımmüdafiəçiləri
Aryen Robbenlə Frank Riberinin münasibətləri barədə məlumat verib.
Kaspi.az xəbər verir ki, prezident hər iki futbolçunu tərifləyib.
Höness bu futbolçuların artıq xoş münasibətdə olduqlarını vurğulayıb: "Bu illər
ərzində onların hər ikisi müdriklik nümayiş etdirdilər. Bir neçə il əvvəl
Riberi ilə Robbenin dost olacağını təsəvvür etmək mümkün deyildi. İndi isə
onlar dostdurlar”.
Riberi ilə Robben bir neçə dəfə mübahisə ediblər. Onlar ilk dəfə
2012-ci ildə Çempionlar Liqasının yarımfinalında "Real”la keçirilən oyunda
mübahisə etmişdilər. Paltardəyişmə otağına gedərkən isə onlar əlbəyaxa
olmuşdular.