Rəvan Qarayev: “Bundan sonra məni yeni layihələrdə görəcəksiniz”

Müğənni Rəvan Qarayev prodüser Mehri Əliquluyeva ilə iş birliynə başlayıb. Yaradıcılığında yeniliklər etməyə hazırlaşan ifaçı yeni mövsüm üçün “Kaspi”-yə açıqlamasında vədlər verdi: “Uzun müddət idi ki, yaradıcılığımda yeniliklər etmirdim.
Mahnılarım sandıqda qalmışdı. Nəhayət ki, yenidən özümdə güc tapıb işlərə başladım. Hazırda sözləri Vüsal və musiqisi Emin Nəbiyevə məxsus olan "Tenhayam" adlı mahnımı yenidən arenajman etdirdim. Artıq klip çəkilişlərinə başlamışıq. Tənbəlliyə yox demişəm. Məni bundan sonra ancaq yeni layihələrdə görəcəksiniz”.