• cümə axşamı, 28 mart, 16:06
  • Baku Bakı 16°C

Rəsul Quliyevlə Sərdar Cəlaloğlu arasında qalmaqal

22.01.14 13:29 1499
Rəsul Quliyevlə Sərdar Cəlaloğlu arasında qalmaqal
“Rəsul Quliyevin müxalifətçilik məntiqini başa düşməkdə çətinlik çəkirəm. Rəsul Quliyevin bu açıqlaması mənə məğlub olan insanın psixoloji durumunu xatırladır”.
Bu sözləri ADP sədri Sərdar Cəlaloğlu telegraf.com-a müsahibəsində deyib. ADP sədri daha sonra əlavə edib: “Rəsul Quliyev 5-10 il əvvəlki adam deyil.
Onun açıqlamalarını, müsahibələrini diqqətlə oxusanız, çox şeyləri özünüz üçün ayırd edə bilərsiz. Rəsul Quliyev xəyal qırıqlığına uğradığı üçün belə açıqlamalar verir. Deyir ki, məqsədi Isa Qəmbəri, Əli Kərimlini siyasi lider kimi proseslərdən uzaqlaşdırmaqdır. Prezidentliyə iddialı olan birisi bütün enerjisini müxalifət liderlərinə qarşı yönəltməz. Məntiqlə onun məqsədi hakimiyyətə gəlmək olmalıdır, hakimiyyətə gəlmək istəyənlərə maneə yaratmaq yox. O, depressiyadadır və psixoz durumdadır”.
Rəsul Quliyev isə Teleqraf.com-a açıqlamasında bildirib ki, onun yaddaşında Sərdar Cəlaloğlu adlı şəxsiyyət yoxdur: “Belə bir şəxsiyyəti yaddaşımdan silib atmışam. Ona görə sizin mənə göndərdiyiniz linki açmadım və orada nə yazıldığından xəbərsizəm”.
banner

Oxşar Xəbərlər