AZE | RUS | ENG |

Regional enerji bazarı yaradıla bilər

Regional enerji bazarı yaradıla bilər
"İran Azərbaycan və Rusiya ilə birlikdə enerji mübadiləsi üçün regional enerji bazarı yaratmaq niyyətindədir”. 
 
Bunu APA-nın Tehran bürosunun müxbirinə eksklüziv olaraq İranın Energetika nazirinin beynəlxalq məsələlər üzrə müavini Əlirza  Daimi deyib.
 
Ə.Daimi deyib ki, enerji istehsalı üçün yüksək potensial mövcuddur: "Buna görə də regional enerji bazarı yaratmağa çalışırıq. Regional enerji bazarı məsələsi hazırda Avropa ölkələri arasında mövcuddur. Mövcud vəziyyəti nəzərə alsaq, İran, Azərbaycan və Rusiya arasında da bu bazarı yaratmaq imkanları var”.
 
Ə.Daimi deyib ki, İran şimal, qərb və şərqdəki qonşu ölkələrlə yanaşı, Azərbaycanın elektrik şəbəkəsi də bir-birinə birləşdirilib: "Hazırda biz Azərbaycanla elektrik enerjisini qarşılıqlı mübadilə edirik. Əlbəttə, bu mübadilə quru sərhədlərimizin olduğu bütün qonşu ölkələrlə də həyata keçirilir”.
 
O qeyd edib ki, hazırda İranın MAPNA şirkəti Azərbaycanla külək və günəş elektrik enerjisi stansiyalarının inkişaf etdirilməsi sahəsində əməkdaşlıq edir. Ə.Daimi əlavə edib ki, Azərbaycan və İran arasında sərhəd çayları üzərində elektrik stansiyalarının tikintisi və bəndlərin salınması sahəsində də əməkdaşlıq var: "Xudafərin və Qız Qalası su bəndlərinin idarəedilməsi sahəsində, eləcədə iki ölkənin sərhəd çayları və su mənbələrinin bölüşdürülməsi sahəsində ölkələrimiz arasında çox sıx və misilsiz əməkdaşlıq var. Azərbaycan və İran birgə işçi qrupu yaradıb. İşçi qrup mütəmadi iclaslar keçirir və işlərin irəliləməsi üçün lazımı addımları atır. Düşünürəm ki, İran və Azərbaycan arasında sərhəd çayları və su resursları sahəsində ən uğurlu əməkdaşlıq nümunəsi  mövcuddur. İki ölkə arasında çox uğurlu və digər ölkələrə nümunə olacaq bir əməkdaşlıq mövcuddur”.





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0037
GEL 1 Gürcü larisi 0.6951
GBP 1 İngilis funt sterlinqi 2.3826
TRY 1 Türk lirəsi 0.4183
KWD 1 Küveyt dinarı 5.6623
SEK 1 İsveç kronu 0.2011
EUR 1 Avro 2.0862
CHF 1 İsveçrə frankı 1.7424
USD 1 ABŞ dolları 1.7000