Referendum üzrə “Vətəndaş cəmiyyəti” təşəbbüs qrupu Şirvanda tədbir keçirib
Referendum üzrə "Vətəndaş cəmiyyəti”
təşəbbüs qrupu Şirvanda növbəti tədbirini
keçirib. Tədbirdə MQF-nin prezidenti Rauf Zeyni, Azərbaycan Vətən Müharibəsi Veteranları Birliyinin sədriFüzuli Rzaquliyev və 700 seçici iştirak
ediblər.
Tədbiri giriş sözü ilə açan R.Zeyni tədbir iştirakçılarını
salamlayıb. Daha sonra o, 26 sentyabr tarixində keçiriləcək referenduma təklif
edilən əlavə və dəyişikliklərin əhəmiyyəti və mahiyyəti barədə məruzə edib.
F.Rzaquliyev isə tədbir
iştirakçılarına referenduma təklif edilən əlavə və dəyişikliklər və onların 3
blokda cəmləşdiyi barədə məlumat verib.
Tədbir iştirakçıları da çıxış edərək keçiriləcək
referendumun vacibliyini vurğulayıblar, hamılıqla səsvermədə iştirak edəcəklərini
bildiriblər.
Bundan sonra R.Zeyni təkrar çıxış edərək müstəqilliyimiz, təhlükəsizliyimiz,
dünyada gedən qlobal proseslərdə Azərbaycanın maraqlarının müdafiəsi, ölkə
prezidenti cənab İlham Əliyev tərəfindən aparılan milli, bəşəri və mütərəqqi
siyasətin mahiyyəti, "Azərbaycan 2020: gələcəyə baxış” İnkişaf Konsepsiyası, vətəndaş
cəmiyyətinin inkişafı və referendumda Konstitusiyaya təklif edilən dəyişikliklər
və əlavələr, Azərbaycan dövlətinin inkişafı ilə əlaqədar məsələlərə
kompleks münasibət bildirib.
Tədbir iştirakçıların suallarının
cavablandırılması ilə başa çatıb.