“Real”ın tarixində belə debüt olmamışdı
Santyaqo Solari
demək olar ki, "Real”la uzunmüddətli müqavilə bağlamağı təmin edib.
Kaspi.az xəbər
verir ki, "kral klubu” baş məşqçini əvəz edən Santyaqo Solarinin rəhbərliyi
altında keçirdiyi ilk 4 qarşılaşmada qalib gəlib. Vurulan və buraxılan topların
fərqi isə belədir - 15:2.
Bu da "Real”ın
116 illik tarixində ən yaxşı göstəricidir. İndiyə qədər 5 məşqçi debütdə
dalbadal 4 oyunda qələbə qazansa da, onlarda top fərqi aşağı olub.
"Selta " ilə
oyundan sonra "Real”ın müdafiəçisi Alvaro Odriosola mətbuata verdiyi açıqlamada
bildirmişdi ki, Solarinin komandada qalması üçün meydanda ölməyə hazırdırlar.
42 yaşlı Solari
hələ baş məşqçi kimi çalışmayıb. O, karyerasını 2011-ci ildə bitirib.