Razılaşdılar - Venger İtaliyada işləyəcək
"Arsenal”ın
sabiq baş məşqçisi Arsen Vengerin işsiz günləri başa çatır.
Kaspi.az xəbər
verir ki, Venger yaxın vaxtlarda İtaliya A seriyasında çalışmağa başlayacaq. O,
"Milan”la razılıq əldə edib.
"Milan” rəhbərliyi
bir müddət onunla danışıq aparıb və fransız mütəxəssislə razılıq əldə edib.
Vengerin "Milan”a gəlməsində klubun sahibi olan Sinqer ailəsinin təkid etdiyi
bildirilir. Pol və Qordon Sinqerlər Vengerin vaxtında "Arsenal” azarkeşləri
olublar. Sinqer ailəsi "Elliott Management” kompaniyasının sahibidirlər.
Bir faktı da
xatırladaq. Uzun illər Vengerlə "Arsenal”da birgə işləmiş İvan Qazidis bu
mövsümün gedişində "Milan”a icraçı direktor təyin edilib.