Razılaşdılar - Sabah tibbi baxışdan keçir

"Yuventus” "Bavariya”nın yarımmüdafiəçisi Duqlas Kostanı heyətə cəlb etməyə çox yaxındı.

Kaspi.az xəbər verir ki, klublar arasında razılıq əldə olunub. "Yuventus” Kostanı icarəyə götürəcək. İcarə üçün ildə 6 milyon avro ödəniləcək.

İcarə müddəti başa çatdıqdan sonra isə 40 milyon avro ödəyərək, futbolçunun transfer hüququna sahib olacaq. Braziliyalının Turin klubunda illik məvacibi 9 milyon avro olacaq.

Onun iyulun 12-də tibbi baxışdan keçəcəyi bildirilir. Kosta "Bavariya”ya 2015-ci ildə "Şaxtyor”dan keçib.