Raul da Zidanın yolu ilə gedir
"Real”ın sabiq futbolçusu Raulun "Kastilya”nın baş məşqçi postuna
təyinatı rəsmiləşib.
Sportinfo.az xəbər verir ki, Raul "Real”ın əvəzedici komandasına
2019/2020 mövsümündə başçılıq edəcək. "Kastilya” İspaniyanın 3-cü divizionu
sayılan Sequnda B-də çıxış edəcək.
Qeyd edək ki, "Real”ın hazırkı baş məşqçisi Zinəddin Zidan da vaxtilə
"Kastilya”nın baş məşqçisi olub. Ola bilsin ki, "kral klubu”nun rəhbərliyi
gələcəkdə Zidanı Raulla əvəzləmək istəyir. "Kastilya” onun üçün əsl təcrübə
məktəbi ola bilər.