Ramos qərar verdi – Gedir, yoxsa qalır?
Serxio Ramos gələcək karyerası ilə bağlı qəti qərar qəbul edib.
Kaspi.az xəbər verir ki, Ramos "Real”da qalmağa üstünlük verib. O, bu
barədə məlumatı məsələ ilə bağlı keçirilən xüsusi mətbuat konfransında verib:
"Bu məsələ ilə bağlı azarkeşlər üçün heç bir qaranlıq məqamın
qalmasını istəmirəm. Mən madridliyəm və karyeramı da burda bitirmək istəyirəm.
Düzdür, Çindən olduqca cəlbedici təklif almışdım. Ancaq burda mənim
hər şeyim var. Maliyyə məsələsi ikinci dərəcəlidir”.
Ramosun "Real”la qüvvədə olan müqaviləsi 2021-ci ilin yayına qədər
nəzərdə tutulub.