Radikal oğurluq
Azərbaycan hökuməti uzun illərdir ölkədə 90-cı illərin əvvəllərindən
qalma problemlərin həlli istiqamətində addımlar atır. Ölkənin sosial-iqtisadi
durumunun yaxşılaşdırılması, mövcud infrastrukturun yenilənməsi, yeni iş yerlərinin
açılması, mövcud əmək haqqı, müavinət və təqaüdlərin artırılması üçün görülən
işlər inkaredilməz dərəcədədir. Lakin ölkəni və vətəndaşları problemlərlə
üz-üzə qoyaraq hakimiyyətdən gedərək, radikal müxalifətə çevrilən bəziləri
mövcud iqtidarın, o cümlədən Prezident İlham Əliyevin gördüyü işləri bir anda
öz adlarına çıxmağa çalışırlar. "Milli Şura” adlanan qurum, xüsusilə AXCP sədri
Əli Kərimli guya yanvarın 19-da cəmi 2800 nəfərlə keçirdiyi mitinqlə guya şəhid
ailələrinə "birdəfəlik müavinət”in verilməsinə, əmək haqlarının, tələbə
təqaüdlərinin artırılmasına və digər sosial yönümlü addımlara səbəb olduqlarını
iddia edir. Azərbaycan Respublikası Prezidentinin ictimai-siyasi məsələlər üzrə
köməkçisi, professor Əli Həsənovun "Müxalifətçilik missiyası və
Azərbaycanın milli maraqları” adlı məqaləsində də qeyd etdiyi kimi Əli Kərimli indi
də əhalinin kredit borcları üzərində ucuz şou düzəltməyə çalışır. Bu da belə
qənaətə gəlməyə əsas verir ki, radikallar hakimiyyətin atacağı addımlara dair
sızan məlumatlarla bağlı kampaniya təşkil edib, məsələni "öz əməklərinin
nəticəsi” kimi göstərməyə çalışırlar.
Mövzu ilə bağlı "Kaspi” qəzetinə açıqlamasında Milli Məclisin deputatı Aydın Mirzəzadə bildirdi ki, bu gün radikal
müxalifətin cəmiyyətə təqdim edə biləcək uğurları yoxdur: "Bunların heç vaxt problemlərin
həlli ilə bağlı proqramları, təklifləri olmayıb. Həmişə sadəcə hakimiyyəti
tənqid etməklə işlərini bitmiş hesab ediblər. Belə çıxır ki, guya tənqidləri
müsbət nəticəyə gətirib çıxarıb. Bu gün radikal müxalifət cəmiyyət qarşısında
özünün varlığını sübut etmək, tərəfdarlarını çoxaltmaq üçün yox, ətrafındakıları
qoruyub saxlamaq üçün siyasi oğurluğa yol verir, hakimiyyətin gördüyü işləri öz
adına çıxmağa çalışır. Hansı ki, hakimiyyət bu gün strateji məsələlərin, sosial
problemlərin, vətəndaşların qarşılaşdığı məsələlərin həll edilməsində böyük
uğurlar qazanıb. İş yerləri açılır, əmək haqları artırılır, şəhid ailələrinin
müavinəti ödənilir, regionların inkişafı ilə bağlı qərarlar qəbul edilir. Bütün
bunların hamısı indiki hakimiyyətin, şəxsən ölkə prezidenti İlham Əliyevin
fəaliyyətinin nəticəsidir. Bu fəaliyyətin nəticəsidir ki, prezident seçkilərində
vətəndaşlar İlham Əliyevə 80 faizdən çox səs veriblər. Əgər radikal müxalifət
bu gün cənab prezidentin fəaliyyətini dəstəkləyirsə, bunu açıq şəkildə desin.
Ancaq onun fəaliyyətinin nəticələrini öz adlarına çıxmaları kənardan çox gülünc
görünür. Bunu cəmiyyət də görür və kimin hansı fəaliyyətlə, nə işlə məşğul
olduğu, bu ölkənin inkişafına, müstəqilliyinin möhkəmlənməsinə nə töhfə
verdiyini bilir”.
A.Mirzəzadə əlavə etdi ki, radikal müxalifət düşərgəsi cəmiyyəti aldatmağa çalışır: "Belə hesab edirlər ki, bunların yalanlarına kimlərsə inanacaqlar və tərəfdarı olacaqlar. Dövlət başçısı vaxtaşırı cəmiyyət qarşısında hesabat verir, görüləcək işlərin anonsunu edir, islahatların davam etdiriləcəyini bildirir. Bunun qarşılığında müxalifətin deyəcəyi bir şey yoxdur. Görülən işləri öz adlarına çıxmaq ənənəsi isə siyasətdə uğur qazanmayan insanların atdığı addımlardandır. Kimin nə deməsindən asılı olmayaraq, bugünkü müstəqilliyimizin qorunub saxlanması, iqtisadi inkişafımız, insanların sosial problemlərinin həll edilməsi üçün proqramların hazırlanması kimi məsələlər Azərbaycan iqtidarının, cənab prezidentin gündəlik fəaliyyətinin tərkib hissəsidir və bunun radikal müxalifətə heç bir aidiyyatı yoxdur”.
Deputat müxalifətin təşkil etdiyi mitinqlərə gedənlərə də səslənib: "Mitinqə gedənlər bilməlidirlər ki, onların istəkləri aksiyalarda həll olunmur. Onların problemlərini Azərbaycan dövləti və hökuməti həll edir”.
BƏXTİYAR
A.Mirzəzadə əlavə etdi ki, radikal müxalifət düşərgəsi cəmiyyəti aldatmağa çalışır: "Belə hesab edirlər ki, bunların yalanlarına kimlərsə inanacaqlar və tərəfdarı olacaqlar. Dövlət başçısı vaxtaşırı cəmiyyət qarşısında hesabat verir, görüləcək işlərin anonsunu edir, islahatların davam etdiriləcəyini bildirir. Bunun qarşılığında müxalifətin deyəcəyi bir şey yoxdur. Görülən işləri öz adlarına çıxmaq ənənəsi isə siyasətdə uğur qazanmayan insanların atdığı addımlardandır. Kimin nə deməsindən asılı olmayaraq, bugünkü müstəqilliyimizin qorunub saxlanması, iqtisadi inkişafımız, insanların sosial problemlərinin həll edilməsi üçün proqramların hazırlanması kimi məsələlər Azərbaycan iqtidarının, cənab prezidentin gündəlik fəaliyyətinin tərkib hissəsidir və bunun radikal müxalifətə heç bir aidiyyatı yoxdur”.
Millət vəkili Musa Qasımlı bildirdi ki, Azərbaycanda
söz, mətbuat, fikir azadlığı var və kim hansı fikri istəsə söyləyə bilir: "Heç
kimin fikir söyləməsinin qarşısını alan yoxdur. Bəzi müxalifətçilərin guya
onlar dedikdən sonra cənab prezidentin bir sıra məsələləri həll etməsinin nə
dərəcədə reallığa uyğun gəlib-gəlməməsini öyrənməkdən ötrü dövlət başçısının
Nazirlər Kabinetinin son iclasındakı çıxışını oxumalarını məsləhət görərdim.
Hələ 19 yanvar mitinqi olmamışdan xeyli əvvəl prezident İlham Əliyev
nitqlərində şəhid ailələri ilə bağlı məsələlərin əsaslı şəkildə həll
ediləcəyini, pensiyaların, təqaüdlərin və minimum əmək haqqının artırılacağı
barədə fikirlərini söyləmişdi. Həmin müxalifətçilər anlamalıdırlar ki, dövlət
başçısının və hökumətin konkret planları var. Hökumət həmin planları həyata
keçirir. Hansısa müxalifətçinin nə və necə deyib-deməməsindən asılı olmayaraq,
Azərbaycan hakimiyyəti öz işini görür. Qeyd edilən məsələləri və ölkədəki digər
problemləri müxalifət deyil, dövlət başçısı həll edir”.
M.Qasımlı müxalifətin hansı səbəbdən belə iddialarla çıxış etməsinin
səbəbini də açıqlayıb: "Hesab edirəm ki, müxalifətçilərin belə fikirlər
söyləməsi sosial baza toplamaq üçün ucuz təbliğat vasitələrindədir. Amma bizim
xalqımız çox müdrikdir. Problemləri kimin həll etdiyini, kimin ona yaxın
olduğunu, kimin isə ondan öz məqsədləri üçün istifadə etdiyini çox yaxşı
bilir”.Deputat müxalifətin təşkil etdiyi mitinqlərə gedənlərə də səslənib: "Mitinqə gedənlər bilməlidirlər ki, onların istəkləri aksiyalarda həll olunmur. Onların problemlərini Azərbaycan dövləti və hökuməti həll edir”.
BƏXTİYAR