Bakı 24°C
Qvardiola Turenin nəyini oğurlayıb?
"Mançester
Siti”nin sabiq futbolçusu Yaya Ture komandanın baş məşqçisi Xosep Qvardiola ilə
münasibətlərindən danışıb.
Kaspi.az xəbər
verir ki, Ture Qvardiolanı kəskin tənqid
edib. O, Peplə münasibətlərinin heç vaxt qaydasında olmadığını deyib:
"Mən Qvardiola
mifini dağıtmaq istəyirəm. "Barselona”nı o qurmayıb. O, Kroyffun yaratdığını
uyğunlaşdırdı. "Bavariya”da və "Mançester Siti”də də eyni variantdan
yararlandı.
Pep dominantlıq
etmək istəyir, ona görə də sözəbaxan futbolçuları xoşlayır. Məni isə belə
münasibət qane etmir. Məşqçiyə hörmət
edirəm, amma onun əşyası deyiləm.
Mənim üçün Zidan
daha yaxşıdır. Çünki onun tələbləri azdı və futbolçulara da hörmət edir. Pep isə
istəyir ki, onu dahi hesab etsinlər. O, özünün dahi obrazını yaratmaq istəyir.
Oyun zamanı onun guya fikirləşir deyə, başını qaşıdığını görəndə özümü gülməkdən
saxlaya bilmirəm. Onun bu hərəkəti komediyadır.
Pep məni
riyakarcasına tərifləyirdi. O, əlindən gələn hər şeyi etdi ki, mənim komandada
son mövsümümü korlasın. Bu klubda 8 il keçirmişdim. Pep mənim klubla vida anımı
oğurladı. Mən də emosional tərzdə getmək istəyirdim. İnyesta, Buffon kimi.
Ancaq Qvardiola buna mane oldu”.
