AZE | RUS | ENG |

Qoy həmişə onun bəstələri səslənsin!

Qoy həmişə onun bəstələri səslənsin!
Övladı olmadı, amma əsərləri əsrlərcə adını yaşadacaq VIDEO

1885-ci il sentyabrın 18-də Ağcabədiyə - qardaşı evinə gedən ikicanlı Şirin xanım elə qonaq düşdüyü evdə bir oğlan uşağı dünyaya gətirdi. Yəqin ki, Şirin xanım bu təsadüfi qonaqlığın Ağcabədinin adını nə qədər şöhrətləndirəcəyini ağlına da gətirməyib. Bunu sonralar Üzeyir bəyin araşdırıcıları xüsusi vurğulayacaqdılar. Uşağı bir neçə günlük olanda Şuşaya gətiriblər. Üzeyir Şuşada böyüyüb. Qori Müəllimlər Seminariyasında oxuyub və XX əsrin əvvəllərində Bakıya gəlib. 1908-ci ildə Şərqdə ilk operanı—«Leyli və Məcnun»u yazıb. Daha sonra indi də dillər əzbəri olan musiqili komediyalar, operettalar və s. yaranıb. Üzeyir bəy Bakıda çıxan əksər qəzetlərdə publisistik yazılarla çıxış edib. Usta qələm sahibinə çevrilib. Azərbaycan Demokratik Cümhuriyyətinin orqanı olan «Azərbaycan» qəzetinin redaktoru, Cümhuriyyətin himninin bəstəçisi olub. Sovetlərin gəlişindən sonra həyatını daha çox musiqi kadrlarının hazırlanmasına, musiqi məktəblərinin, Konservatoriyanın yaranmasına həsr edib. Xalq musiqisinin toplanmasında, kitab kimi çap olunmasında əvəzsiz xidmət göstərib. 1938-ci ildə məşhur «Koroğlu» operasını yazıb. Bənzərsiz romanslar, mahnılar bəstələyib. Sovetlər dönəmində səksəkəli həyat sürən Üzeyir bəy 1948-ci ildə şəkər xəstəliyindən vəfat edib. Onun ölümü Bakıda əsl matəmə çevrilib. Belə şəhər matəmi 1907-ci ildə Həsən bəy Zərdabinin, 1919-cu ildə Hüseyn Ərəblinskinin ölümündə olmuşdu… Üzeyir bəyin övladı olmayıb. Amma əsərləri əsrlər boyu onun adını yaşadacaq. Bu şəxsiyyət haqqında saatlarla, günlərlə danışmaq, yazmaq olar. Amma bu gün—Üzeyir Musiqi Günündə qoy onun bəstələri səslənsin! Dos-doğma Üzeyir bəyə bundan gözəl töhfə nə ola bilər ki?! Sevda İsmayıllı (azadlıq.az)

Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.9202
GEL 1 1 Gürcüstan larisi 0.631
GBP 1 1 İngiltərə funt sterlinqi 2.2177
IRR 100 100 İran rialı 0.004
SEK 1 1 İsveç kronu 0.1838
CHF 1 1 İsveçrə frankı 1.6833
KWD 1 1 Küveyt dinarı 5.5906
TRY 1 1 Türkiyə lirəsi 0.2949