“Qızlar özlərini daha çox istədir” - Mənim balam
Dünən şagirdlərin həyatının ən yaddaqalan günlərindən olan "Son zəng”
bayramı idi. Məktəb həyatı ilə vidalaşıb, gələcəyə doğru iri addımlar atan məzunların
xoş günündə tanınmış aktyor, aparıcı İslam Mehrəliyevlə söhbət etdik. Aktyor
bizimlə söhbətində öz məktəb illərini xatırladı.
- İslam bəy, siz öz məktəb illərinizi necə xatırlayırsınız?
- 1993-2003-cü illərdə Bakı şəhəri, Yasamal rayonu
172 saylı orta məktəbdə təhsil almışam. Bacımla bir sinifdə
oxumuşam və onunla bir parta arxasında oturmuşuq. Məktəb illərində çox sakit
idim. Valideynlərim deyir ki, heç zaman səndən bizə söz gəlməyib. Düzdür, məktəbdə
o qədər də yaxşı oxumamışam. Ancaq müəllimlərim məndən narazılıq etməyiblər,
heç kimlə işim olmayıb. Elə o vaxtımdan bilirdim ki, gələcəkdə aktyor olacağam.
Qarşıma məqsəd qoymuşdum. Ancaq məktəbimizdə bayram tədbirlərində və özəl günlərdə
heç vaxt mənə iştirak etməyə imkan vermirdilər (gülür). Həmişə tədbirlərdə mənim
yerimə başqası iştirak edirdi.
- Mənim "Son zəng”im çox sönük keçib. Həmin gün qeyri-adi heç nə olmadı. O illər uşaqları şəhərə çıxmağa qoymurdular. Çünki şəhərə böyük axın var idi. Biz də sinif yoldaşlarımızla kiçik bir məkanda "Son zəng”imizi qeyd etdik.
- İyunun 13-də qızınız Məryəmin bir yaşı tamam oldu. Sizi təbrik edirik.
- Təşəkkür edirəm. Ötən il iyunun 13-də həm "Maşın şou”da qalib olmuşdum, həm də qızım dünyaya gəlmişdi. İyunun 13-ü həyatımda ən yaddaqalan gün oldu.
- Məryəmin ruzisi özü ilə
birlikdə gəlib.
- Elədir. Qazandığım maşını hələ də saxlayıram. O gündən sonra bir
çox saytlarda yazıldı ki, İslam qazandığı maşını satıb borcunu ödəyib. Bəziləri
də yazmışdılar ki, maşınını sataraq iştirakçılar arasında pulunu bölüblər.
Ancaq məsələ elə deyil, qazandığım həmin maşını saxlayıram. Vaxtaşırı qızımı da
o maşınla gəzdirirəm.
- İnsan valideyn olduqdan sonra özü üçün deyil, övladları üçün
yaşayır. Bu baxımdan uşaqları gələcək üçün yaxşı və vətənpərvər bir vətəndaş
kimi yetişdirmək bizim borcumuzdur. Açığını desəm, onların tərbiyəsi ilə həyat
yoldaşım məşğul olur. Çəkilişlərdə olduğum üçün övladlarımın hər anına nəzarət
edə bilmirəm. Ancaq evdə olduğum müddətdə uşaqlarla maraqlanıram və ciddi şəkildə
onlarla məşğul oluram.
- Çox adam elə deyir. Elə bilirlər ki, efirdə, filmlərdə hansısa bir
zarafatı edirəmsə, ailə ortamında da həmin zarafatı edirəm. Ancaq unutmaq olmaz
ki, ev başqa, sənət başqadır. Uşaqlarımız gələcəyin quruculardır, onlara zaman
ayırmaq lazımdır. İşlərim çoxdur deyə, uşaqları da başlı-başına buraxmıram. Biz
uşaqlarla ciddi məşğul oluruq.
- Məhəmmədəli evimizin ilk övladı idi deyə, onu çox istəyir,
marağımızı, sevgimizi ona verirdik. Ancaq Məryəm dünyaya gəldikdən sonra
sevgimiz ikiyə bölünüb. Məryəm məni görən kimi üzərimə qaçır, sarılır. İndi
yavaş-yavaş danışmağa da başlayıb deyə daha da şirin olub.
- Elədir. Məryəm daha şirindir. Özünü istətməyi bacarır.
- (gülürük) Məhəmmədəli ilkimizdir. Valideynlərimin ilk nəvəsidir.
Ona görə evdə hamı onu çox sevir, elə mən özüm də. İnsan balasını bir-birindən
necə ayıra bilər? Ancaq nə məsələdirsə, qızlar özlərini daha çox istədirlər.
- Övladlarınızın şəkillərini sosial şəbəkədə çox az paylaşırsınız. Göz-nəzərdənmi qorxursunuz?
- Uşaqlarımın və ailəmin şəklini paylaşmağı sevmirəm. Əgər bu səhifə
mənimdirsə, orda gündəlik şəkillərimi paylaşıram. Və övladlarımın şəklini güdəlik
paylaşıb, kiməsə nəyisə göstərmək istəmirəm. Hərdən övladlarımın rəsmini
paylaşıram və bu da mənə kifayət edir.
- Məryəmlə eyni ayda doğulmuşuq. İyunun 13-ü qızımın, 19-u isə
yoldaşımla mənim doğum günümdür.
- Yoldaşım hər doğum günümdə mənə hədiyyə alır. Onda yoldaşıma deyirəm
ki, elə hədiyyə al ki, özün də istifadə edə biləsən (gülürük).
- Heç vaxt övladlarıma deməmişəm ki, mənə "ata, papa” deyin. Nədənsə
hər dəfə Məhəmmədəli məni efirdə görəndə "dədəm” deyib qışqırır. Bizə də
maraqlıdır ki, bu söz onda hardandır.
- İstəyirik ki, Məhəmmədəlini yeni mövsümdən bağçaya yazdıraq. Artıq
evdə dayanmır, nadinclik edir.
- Əlbəttə ki, narahat edir. Mən o hadisəni sosial şəbəkədən izləyəndə
pis oldum. O döyülən uşaqların təzyiq görməsi mənə psixoloji olaraq təsir edir.
Döyülən uşağın çıxılmaz vəziyyətdə qalması hissi mənə tanışdır. Çünki bu hadisə
mənim də başıma gəlib. Biz bağçaya bacımla birlikdə gedirdik. Müəllimə bacımı
vurmuşdu. Biz onu evdə valideynlərimizə deməyə qorxurduq. Müəlliməmiz bizim
üstümüzə qışqırırdı. Hansısa uşaq səs salmışdı, müəlliməmiz elə bilmişdi ki,
bacım danışır. Yatdığı yerdə bacımı vurmuşdu. Biz qorxumuzdan bunu deyə bilmədik.
Bu, əslində ciddi məsələdir, onun üzərinə düşmək lazımdır.
- Onu indi deyə bilmərəm. Gərək o hadisəni yaşayım ki, həmin anın qəzəbi
ilə nələr edə biləcəyimi deyim. Amma heç də xoş qəbul etməzdim. Övladıma qarşı
qalxan əli ən sərt şəkildə cəzalandırardım.
- Bilmirəm bu nədən qaynaqlanır, nə oyuncaq verirsən-ver, yenə də
gedib pultu oynadır. Bəlkə də görür ki, pult valideynin əlindən düşmür, ona görə
uşağa maraqlı gəlir. Mənə elə gəlir ki, psixoloji bir şeydir.
- Onlar dəhşətli dərəcədə telefonla maraqlanırlar. İndiki dövrün
uşaqları daha çox bu cür vasitələrə maraq salırlar. Uşaqların telefon işlətməsini
yaxşı qəbul etmirəm. Həm uşağa ziyandır, həm də onların gec danışmasına səbəb
olur. Uşaq planşetə baxır, heç kimlə ünsiyyət qurmur. Belə olan halda nitqlərində
qüsur da yaranır.
- Məryəm mənə bənzəyir.
- (Gülürük) Hə, eynən o sözü işlədirəm. Bilmirəm, bəlkə eyni ayda
dünyaya gəlmişik deyə xasiyyətlərimiz bu qədər oxşayır.
- İndi mənim özümə yatırım edən lazımdır (gülürük). Biz hər şeyə əziyyətlə
nail olmuşuq. İnanıram ki, övladlarımız da gələcəkdə böyüyüb həyatdan istədiklərini
əldə edəcəklər.
- İstəmərəm qızım sənətimi davam etdirsin. Ancaq oğlum istəsə mane
olmaram. Onu da deyim ki, Məryəmdə artıq bu sənətə marağın olduğunu hiss edirəm.
- Bu sənət çox çətindir. Keşməkeşli yolları var. Qız uşaqları bir qədər
həssas olduğundan, onun bu çətin yolda addımlamasını qəbul edə bilmərəm. Amma
çox istərdim ki, həkim olsun. Gələcəyin bizə nələr göstərəcəyini indidən demək
çətindir. Bunu zaman göstərəcək. Ancaq onu da qeyd edim ki, ana tərəfim incəsənət
adamlarıdır. Hiss edirəm ki, qızım da onlara çəkib, oxumağa meyillidir.