“Qızıl xaç” əsir düşən erməni ilə görüşmək istəyir

Əsir və itkin düşmüş, girov götürülmüş vətəndaşlarla əlaqədar Dövlət Komissiyası Ermənistan vətəndaşının Azərbaycan ərazisində saxlanılması barədə Beynəlxalq Qızıl Xaç Komitəsini (BQXK) məlumatlandırıb.
BQXK-nin Azərbaycan nümayəndəliyinin mətbuat katibi İlahə Hüseynova APA-ya açıqlamasında bildirib ki, hazırda qurum öz mandatına uyğun olaraq saxlanılan Ermənistan vətəndaşı ilə görüşmək üçün tədbirlər həyata keçirir.
Qeyd edək ki, martın 7-də Azərbaycanın Tovuz rayonunda təmas xəttini keçən Ermənistan vətəndaşı saxlanılıb.