Qiymətlərin sürətlə qalxması ağılsızlıqdı - Qvardiola
"Mançester Siti”nin baş məşqçisi Xosep Qvardiola transfer bazarındakı
duruma münasibət bildirib.
Kaspi.az xəbər verir ki, Qvardiola transfer bazarında qiymətlərin
sürətlə bahalaşmasının ağılsızlıq olduğunu deyib. O, belə davam edəcəyi
təqdirdə, qiymətlərin daha da yüksələcəyini vurğulayıb:
"Bu, ağılsızlıqdı. Qiymətlər çox sürətlə qalxır. 2-3 il bundan əvvəl
bir futbolçunun qiymətinin 100 milyon olacağını təsəvvür etmək mümkün deyildi. Artıq
bu, reallıqdı. Qiymətlər isə artmaqda davam edəcək.
Mən az pul ödəmək istəyərdim. Ancaq bazarın tələbi budu. Nəinki "Siti”,
bütün klublar çox pul xərcləməyə məcburdu. Bir neçə ildən sonra nə olacağını
gözləyək. Ancaq məncə bu barədə düşünmək lazımdı.
Hər şey agentin, klubun və futbolçunun nə istəməsindən asılıdır. Son
10 ildə "Siti” Premyer Liqada ancaq
mükafatlar uğrunda mübarizə aparıb. Ancaq bizim "Real” və "Barsa” səviyyəsinə
yüksəlməyimizi üçün müəyyən vaxta ehtiyacımız var”.