Bakı 23°C
Qış sessiyası başlayır: yeni sədr kim olacaq? - AŞPA-da
APA-nın xəbərinə görə, yanvarın 31-nə kimi davam edəcək sessiyanın gündəliyinə AŞPA-nın yeni prezidenti və vitse-prezidentlərinin seçilməsi, Maqnitski işi, internetin siyasətə təsiri, miqrantların Avropaya inteqrasiyası kimi məsələlər daxildir.
Bundan başqa, plenar iclaslarda müzakirə ediləcək əsas məsələlər arasında Ukraynada demokratik təsisatların fəaliyyətinə dair məsələ fövqəladə müzakirə kimi qurumun gündəliyinə salınıb. Hazırda Avropa Şurası Nazirlər Komitəsinə (AŞNK) sədrlik edən Avstriyanın federal kansleri Verner Faymann və Avropa Parlamentinin sədri Martin Şulz Assambleyada çıxış edəcəklər. Eyni zamanda ənənəvi olaraq Avropa Şurasının baş katibi Tyorbörn Yaqland və AŞNK-ya sədrliyi icra edən Avstriyanın xarici işlər naziri Sebastyan Kurz AŞPA-da çıxış edərək, Assambleya üzvlərinin suallarını cavablandıracaqlar.
AŞPA-nın qış sessiyasının gedişində iqlim dəyişikliyi, AŞPA ilə Fələstin Milli Şurası arasındakı "demokratiya naminə tərəfdaşlıq" və insan hüquqlarının pozulduğu halda beynəlxalq təşkilatların öz hərəkətlərinə görə cavab vermə öhdəlikləri kimi mövzular da müzakirə ediləcək məsələlər sırasında olacaq.
Qeyd edək ki, Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidovun rəhbərlik etdiyi Azərbaycan nümayəndə heyəti də sessiyada iştirak edəcək. Nümayəndə heyətinə deputatlar Rafael Hüseynov, Sabir Hacıyev, Rövşən Rzayev, Fazil Mustafa, Sahibə Qafarova, Sevinc Fətəliyeva, Qənirə Paşayeva, Fəzail İbrahimli, Elxan Süleymanov və Aydın Abbasov daxildir.
Onu da vurğulayaq ki, Avropa Şurası Parlament Assambleyasının (AŞPA) bu gün Strasburqda keçiriləcək plenar iclasında əsas müzakirə məsələsi qurumun yeni sədrinin seçilməsi olacaq.
Assambleya üzvləri Lüksemburqun AŞPA-dakı nümayəndə heyətinin üzvü xanım An Brassör və Birləşmiş Krallığın nümayəndə heyətinin rəhbəri Robert Valter arasında seçim etməli olacaqlar.
Qeyd edək ki, qurumun builki qış sessiyasında 2012-ci ildən Assambleyaya sədrlik edən fransalı deputat Jan-Klod Minyonun mandatı bitir və Assambleya növbəti iki il müddətinə yeni sədrini seçməlidir. AŞPA sədri vəzifəsinə namizədlər qurumdakı siyasi fraksiyalar tərəfindən irəli sürülür və siyasi qruplar arasında razılaşdırılmış rotasiya prinsipinə dair "centlmen sövdələşməsi"nə əsasən, bu dəfə növbə An Brassörün rəhbərlik etdiyi Avropa naminə Demokrat və Liberallar Alyansı qrupunundur.
Xatırladaq ki, rotasiya prinsipinə dair razılaşmadan sonra bu vaxta qədər öz qrupları tərəfindən irəli sürülmüş liderlər rəqibləri olmadan, avtomatik olaraq Assambleyanın sədri vəzifəsinə seçilmiş olurdular. Ona görə də Avropa Demokrat Qrupunun sədri Robert Valter qrupdakı sədrliyindən istefa verərək, bu seçkilərə müstəqil namizəd kimi getmək məcburiyyətində olub. Onun namizədliyi AŞPA-nın sədri seçkilərinə dair prosedur qaydalarının 14-cü maddəsinə uyğun olaraq, qurumda təmsil olunan müxtəlif siyasi qrupların üzvləri tərəfindən irəli sürülüb.
Qurumun proseduruna uyğun olaraq, AŞPA sədri seçkilərində Assambleyada təmsil olunan milli nümayəndə heyətlərinin ancaq əsas üzvləri iştirak edə bilərlər. Sədrliyə namizəd seçkilərdə səsvermə hüququ olan 317 Assambleya üzvündən minimum 159-nun səsini qazanmalıdır. İlk iki turda səslərin parçalandığı və bu nəticəyə nail olunmadığı təqdirdə, üçüncü turda ən çox səs toplayan namizəd AŞPA sədri vəzifəsinə seçilmiş olur.
Bundan başqa, plenar iclaslarda müzakirə ediləcək əsas məsələlər arasında Ukraynada demokratik təsisatların fəaliyyətinə dair məsələ fövqəladə müzakirə kimi qurumun gündəliyinə salınıb. Hazırda Avropa Şurası Nazirlər Komitəsinə (AŞNK) sədrlik edən Avstriyanın federal kansleri Verner Faymann və Avropa Parlamentinin sədri Martin Şulz Assambleyada çıxış edəcəklər. Eyni zamanda ənənəvi olaraq Avropa Şurasının baş katibi Tyorbörn Yaqland və AŞNK-ya sədrliyi icra edən Avstriyanın xarici işlər naziri Sebastyan Kurz AŞPA-da çıxış edərək, Assambleya üzvlərinin suallarını cavablandıracaqlar.
AŞPA-nın qış sessiyasının gedişində iqlim dəyişikliyi, AŞPA ilə Fələstin Milli Şurası arasındakı "demokratiya naminə tərəfdaşlıq" və insan hüquqlarının pozulduğu halda beynəlxalq təşkilatların öz hərəkətlərinə görə cavab vermə öhdəlikləri kimi mövzular da müzakirə ediləcək məsələlər sırasında olacaq.
Qeyd edək ki, Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidovun rəhbərlik etdiyi Azərbaycan nümayəndə heyəti də sessiyada iştirak edəcək. Nümayəndə heyətinə deputatlar Rafael Hüseynov, Sabir Hacıyev, Rövşən Rzayev, Fazil Mustafa, Sahibə Qafarova, Sevinc Fətəliyeva, Qənirə Paşayeva, Fəzail İbrahimli, Elxan Süleymanov və Aydın Abbasov daxildir.
Onu da vurğulayaq ki, Avropa Şurası Parlament Assambleyasının (AŞPA) bu gün Strasburqda keçiriləcək plenar iclasında əsas müzakirə məsələsi qurumun yeni sədrinin seçilməsi olacaq.
Assambleya üzvləri Lüksemburqun AŞPA-dakı nümayəndə heyətinin üzvü xanım An Brassör və Birləşmiş Krallığın nümayəndə heyətinin rəhbəri Robert Valter arasında seçim etməli olacaqlar.
Qeyd edək ki, qurumun builki qış sessiyasında 2012-ci ildən Assambleyaya sədrlik edən fransalı deputat Jan-Klod Minyonun mandatı bitir və Assambleya növbəti iki il müddətinə yeni sədrini seçməlidir. AŞPA sədri vəzifəsinə namizədlər qurumdakı siyasi fraksiyalar tərəfindən irəli sürülür və siyasi qruplar arasında razılaşdırılmış rotasiya prinsipinə dair "centlmen sövdələşməsi"nə əsasən, bu dəfə növbə An Brassörün rəhbərlik etdiyi Avropa naminə Demokrat və Liberallar Alyansı qrupunundur.
Xatırladaq ki, rotasiya prinsipinə dair razılaşmadan sonra bu vaxta qədər öz qrupları tərəfindən irəli sürülmüş liderlər rəqibləri olmadan, avtomatik olaraq Assambleyanın sədri vəzifəsinə seçilmiş olurdular. Ona görə də Avropa Demokrat Qrupunun sədri Robert Valter qrupdakı sədrliyindən istefa verərək, bu seçkilərə müstəqil namizəd kimi getmək məcburiyyətində olub. Onun namizədliyi AŞPA-nın sədri seçkilərinə dair prosedur qaydalarının 14-cü maddəsinə uyğun olaraq, qurumda təmsil olunan müxtəlif siyasi qrupların üzvləri tərəfindən irəli sürülüb.
Qurumun proseduruna uyğun olaraq, AŞPA sədri seçkilərində Assambleyada təmsil olunan milli nümayəndə heyətlərinin ancaq əsas üzvləri iştirak edə bilərlər. Sədrliyə namizəd seçkilərdə səsvermə hüququ olan 317 Assambleya üzvündən minimum 159-nun səsini qazanmalıdır. İlk iki turda səslərin parçalandığı və bu nəticəyə nail olunmadığı təqdirdə, üçüncü turda ən çox səs toplayan namizəd AŞPA sədri vəzifəsinə seçilmiş olur.
