• cümə, 29 Mart, 00:00
  • Baku Bakı 13°C

Qırğızıstan “Manas”ı bağlaması haqda ABŞ-a nota verdi

14.11.13 13:28 1155
Qırğızıstan “Manas”ı bağlaması haqda ABŞ-a nota verdi
Qırğızıstan ABŞ-a “Manas” Tranzit Daşımaları Mərkəzinin fəaliyyəti haqda sazişin dayandırıldığı barədə nota verib.
APA-nın “RİA Novosti”yə istinadən verdiyi məlumata görə, notanı Qırğızıstanın xarici işlər naziri Erlan Abdıldayev ABŞ-ın ölkədəki səfiri Pamela Spratlenə şəxsən təqdim edib.
Qeyd edək ki, sonradan Tranzit Daşımaları Mərkəzi adlandırılan aviabaza 2001-ci ilin dekabrında Əfqanıstandakı əməliyyatlarla bağlı yaradılıb. ABŞ-ın 2014-cü ildə koalisiya qüvvələrinin əsas kontingentinin Əfqanıstandan çıxarılması qərarı ilə əlaqədar Qırğızıstan hakimiyyəti aviabaza barədə 2014-cü ilin ortalarında bitəcək müqavilənin müddətini uzatmamağa qərar verib. Qırğızıstan prezidenti Almazbek Atambayev “Manas” hava limanının tam mülki obyekt olacağını söyləyib.
banner

Oxşar Xəbərlər