Əli Həsənov: "Hədəflərimizə çatdığımız üçün qürur hissi keçiririk"
Bu gün Azərbaycan Respublikasının Prezidenti yanında
Qeyri-Hökumət Təşkilatlarına (QHT) Dövlət Dəstəyi Şurasının 10 illiyi ilə bağlı
yubiley tədbiri keçirilib.
APA-nın məlumatına görə, tədbirdə çıxış edən Azərbaycan
Respublikasının Prezidenti yanında Qeyri-Hökumət Təşkilatlarına Dövlət Dəstəyi
Şurasının sədriAzay Quliyevdeyib ki, Şuranın yaranması ilə
prezident siyasi iradəsini ortaya qoyub, dövlət və QHT sektoru arasında
münasibətlər keyfiyyətcə yeni mərhələyə keçib, dövlətlər vətəndaş cəmiyyəti
arasında etimad mühiti yaranıb.
A. Quliyev Şuranın yaranmasından sonra QHT-lərə mənfi
münasibətin dəyişməyə başladığını bildirib: "Şura yaranana qədər
torpaqlarımızın işğalı faktının dünyaya çatdırılması, qaçqın və məcburi
köçkünlər, qəhrəmanlarımızla bağlı layihələr xarici donorlar tərəfindən
maliyyələşdirilmirdi. Şura milli donor kimi bu layihələri maliyyələşdirməyə
başladı".
Heydər Əliyev Fondunun və birinci vitse-prezident Mehriban
Əliyevanın fəaliyyətindən danışan A. Quliyev Heydər Əliyev Fondunun
fəaliyyətinin QHT sektoru üçün nümunə olduğunu vurğulayıb.
A. Quliyev Şuranın fəaliyyətində şəffaflıq prinsipinin əsas
götürüldüyünü qeyd edib: "Şura apelyasiya mexanizmi yaradıb və bütün
bunlar Şuraya ictimai etimadı artırır. Biz əldə etdiyimiz bütün uğurlara görə
prezidentİlham Əliyevə minnətdarıq. Dövlət başçımızı əmin edirəm ki, Şura
bundan sonra da dövlətin milli maraqlarının təmin olunması istiqamətində
QHT-ləri səfərbər edəcək. Azərbaycan dövləti vətəndaş cəmiyyətinin inkişafı
üçün lazımi şəraiti yaradıb".
Şuranın fəaliyyəti ilə bağlı videotəqdimatdan sonra çıxış
edən Azərbaycan prezidentinin İctimai-siyasi məsələlər üzrə köməkçisiƏli
HəsənovŞuranın 10 illik fəaliyyətinin qənaətbəxş olduğunu söyləyib:
"1998-ci ildə "Qrant haqqında" qanun qəbul olunana qədər
QHT-lərin maliyyələşməsi ilə bağlı mübahisələr gedirdi. Həmin dövrdə ən fəal
insanlar QHT yaradaraq fəaliyyət göstərməyə başladı. Biz bu gün vətəndaş
cəmiyyəti institutlarının fəaliyyəti ilə öyünürük. Həm Azərbaycan dövlətinin,
həm də xarici donorların ayırdıqları qrantlar bu gün şəffaf şəkildə məqsədə
uyğun istifadə edilir. Bu gün Azərbaycanda QHT təmsilçiləri var ki, vəzifə
təklif olunur, imtina edirlər. Onlar artıq QHT sahəsində məslək sahibi kimi
formalaşıblar. QHT sektorunda fəal insanlar üçün faktiki iş yerləri açılıb.
Azərbaycanda 26 il ərzində QHT sektoruna 306 milyon manata yaxın vəsait
ayrılıb. QHT Şurası isə ötən 10 il ərzində QHT layihələrinin
maliyyələşdirilməsinə 36 milyon manat ayırıb. Maliyyələşdirilən bu layihələrdə
30 minə qədər insan çalışıb. Bunlar Azərbaycanın fəal insanlarıdır və
dövlətimizi xaricdən gələn təhlükələrdən elə dövlətin özü qədər qoruyurlar.
Çox təəssüf ki, QHT arasında xarici donorların təsiri
altına düşən və Azərbaycana qarşı istifadə olunanlar da olub. KİV arasında da
belə təsir altına düşən, Azərbaycan əleyhinə yazılar verənlər var. Azərbaycanda
sağlam mövqeyə malik QHT bu sektorun 99 faizini təşkil edir".
Ə. Həsənov deyib ki, Azərbaycanın uğurlarının təməli Heydər
Əliyev tərəfindən qoyulub: "1995-ci ildə qəbul edilmiş Konstitusiyamızda
vətəndaş cəmiyyəti quruculuğu, siyasi plüralizm, siyasi fəaliyyət azadlığı
əksini tapıb. Bu, inkişafımızın üç şərtidir. Hər üç sahədə inkişafımızı xarici
ekspertlər də qey edirlər. 1995-ci ildə ilk dəfə çoxpartiyalı əsasda seçkilər
keçirilir. Ötən dövrdə keçirilən seçkilər də çoxpartiyalı əsasda, şəffaf
keçirilib. 1995-ci ildən bu günə qədər azad media formalaşıb. Biz vətəndaş cəmiyyətinin
inkişafında da hədəflərimizə çatdığımız üçün qürur hissi keçiririk. Azərbaycan prezidenti vətəndaş cəmiyyəti institutlarını inkişafımızın əsas şərti kimi dəyərləndirir".
Milli Məclissədrinin müaviniBahar
Muradovada Şuranın ötən 10 il ərzində uğurla fəaliyyət göstərdiyini, bu
gün QHT-lərin Azərbaycan dövlətinin maraqlarını müdafiə etdiyini bildirib.
Milli Məclisin Şura ilə əməkdaşlıq barədə memorandum imzaladığını xatırladan B.
Muradova Şuranın təşəbbüsü ilə QHT sektoru ilə əlaqədar irəli sürülən qanun
layihələrinin parlamentdə qəbul olunduğunu qeyd edib: "Bu gün heç kəs deyə
bilməz ki, vətəndaş cəmiyyəti təşəbbüsləri dəstəklənmir. Bu gün QHT-lər
Azərbaycan xalqı və dövləti üçün dövlətimiz kimi məsuliyyət daşıyır".
BMT-nin Azərbaycandakı rezident əlaqələndiricisi Qulam
İsakzai də Şuranın fəaliyyətini yüksək qiymətləndirib.
Tədbir çıxışlarla davam edib.