Qeybətlə gündəmə gələnlər
Milli Şurada olduğu kimi AXCP-nin ali qurumlarında
da iclaslar lağ-lağı, dedi-qodu şəraitində keçir
İndiyə qədər hər hansı uğuru, ağıllı təşəbbüs və təklifi,
milli-dövlətçilik maraqlarına xidmət edən siyasi bəyanatı ilə yadda qalmayan
Milli Şura "xüsusi əhəmiyyətli”, əsasən qeybətxana şousunu xatırladan
videokonfransları ilə gündəmə gəlir. Belə "iclaslarda” antimilli dərnək üzvləri
hökumətə "ilişmək” üçün özlərindən problem – mövzu uydurur, beləliklə,
qaşınmayan yerdən qan çıxarmağa çalışır, qaraguruhçuluq edirlər.
Xatırlayırsınızsa, ötən ay Milli Şuranın"zoom konfrans”ında Koordinasiya Mərkəzinin
və AXCP Rəyasət Heyətinin üzvü Vahid Məhərrəmli bekarçılıq olmasın deyə, təklif
etmişdi ki, hökumətdən karantinə görə 300 deyil, bu dəfə 500 manat tələb
olunsun. O, özü də bunun qeyri-real təklif olduğunu və reallaşmasının
mümkünsüzlüyünü etiraf etmişdi. Lakin görüntü üçün bunu dilə gətirməyin zəruriliyini
vurğulamışdı ki, xalq Milli Şuranın guya onların qayğısını çəkdiyini, qeydinə
qaldığını görsün. Onun bu təklifiMilli Şura üzvü, vaxtilə nəşr olunan
"Azadlıq” qəzetinin baş redaktor müavini Rahim Hacıyev tərəfindən dərhal dəstəkləndi,
hətta qurumun bu xüsusda bəyanatla çıxış etməsizəruri sayıldı. Bunun ardınca
Fransada məskunlaşan Qənimət Zahidov, Koordinasiya Mərkəzinin üzvü Gültəkin
Hacıbəyli R.Hacıyev və qurumun digər üzvlərinin keçəl olması, onlardan hansının
daha "simpatiçni” görünməsi ətrafında müzakirə açmışdılar. Bu cür "səmərəli”
müzakirənin sonuna Q.Zahidov "bizim işimiz hökuməti şərləməkdir”, - deyərək
nöqtə qoymuşdu.
Özünü Milli Şura adlandıran qrumun Amerikada
yaşayan sədri Cəmil Həsənli də öz əqidədaşlarından geri qalmayaraq, bir müddət
öncə Azərbaycanda olan müxalifət düşərgəsinin digər nümayəndələrini aşağılamaqla
"ad çıxarmış”, onları "tryapka” adlandırmışdı. Beləliklə də, özlərini
demokrat adlandıranların qeyri-demokratikliyi, əks fikrə qarşı dözümsüzlüyü,
yalnız öz dediklərini həqiqət saymaları, bir növ diktatorsayağı xarakterləri
növbəti dəfə nümayiş olunmuşdu. Həmin vaxt müxalifət nümayəndələrinin C.Həsənliyə
cavabı özünü çox da gözlətmədi və ona qarşı sərt etirazlar bildirildi. Lakin
müxalifət nümayəndələrinin etirazlarını əhəmiyyətsiz hesab edən C.Həsənli Q.Zahidin
"Youtube” kanalında canlı yayım vaxtı yenidən Azərbaycanın müxalifət nümayəndələrini
aşağılayıb, onları "cib müxalifəti” adlandırmışdı. C.Həsənli bir qədər də
irəli gedərək, təhqirin "dozası”nı artırmış və "cib müxalifəti”
dediyi şəxsləri əkin-biçin zamanı yuvalarından çıxan siçovullara bənzətmişdi.
Bu "tapıntı”ya C.Həsənli və Q.Zahid ürəkdən xeyli gülmüşdülər.
Milli Şuranın Koordinasiya Mərkəzinin keçirdiyi
videokonfransdan yayılan növbəti görüntüdə C.Həsənli və ətrafı bir qədər fərqli
mövzuda müzakirə açmışdılar. Belə ki, antimilli təşkilat üzvləri bu dəfə R.Hacıyevin
AXCP sədri Əli Kərimlini "zəmanəmizin Rəsulzadəsi” adlandırmasını müzakirəyə
çıxarmışdılar. Milli Şura sədri C.Həsənli, eləcə də qurumun üzvlərindən Vidadi
Mirkamal, G.Hacıbəyli bunu ironiya ilə qarşılayaraq, etiraz etmişdilər. Qeyd
olunmuşdu ki, aparılan mübarizənin yalnız AXCP və onun sədri ilə əlaqələndirilməsi
yolverilməzdir və R.Hacıyevin belə fikirləri insanları iyrəndirir.Mübahisələrin
qızışdığı məqamda Q.Zahid ironiya ilə "Yaxşı bəylər, Topçubaşov.
Allah xeyir versin” replikasını ataraq, AXCP sədrini bu dəfə Demokratik
Cümhuriyyət dövrünün görkəmli dövlət xadimi, parlamentin sədri Əlimərdan bəy
Topçubaşova bənzətmişdi. Daha sonra Q.Zahid bildirmişdi ki, Ə.Kərimli ətrafında
şiddət və sair bu kimi hallar artırılmalıdır. Onun sözlərinə görə, belə
şişirdilmiş vəziyyət, yəni AXCP sədrinin "blokadası” ətrafındakılar üçün
qoruyucu xətt olmalıdır. Bu şiddətin saxlanılması, təbliğatın aparılması Ə.Kərimliyə,
Milli Şuraya, AXCP-yə siyasi qazanc gətirir, təmsil olunduqları düşərgənin
reytinqini artırır.
Bu dəfə isə AXCP üzvlərinin qeybət şousu riyakarlıq,
daxili intriqa biyabırçılığı, trolluq, pul mənimsəmə və digər məsələlərlə yadda
qalıb. Əvvəlcə onu qeyd edək ki, cəbhəçilərlə eyni fikirdə olmayan, sosial şəbəkələrdəki
real profilindən müstəqil mövqeyini bildirən şəxsləri Ə.Kərimlinin zonbi sürüsü
daim təhqir edib, onları trol adlandırıb, mənəvi terrora məruz qoyub. Lakin cəbhəçilər
arasında gedən söhbətdə özləri öz əməllərini ifşa edib, saxtakarlıqla,
trolluqla məşğul olduqlarını etiraf ediblər. Misal üçün, cəbhəçilərdən biri 17
nəfərə 180 "Facebook” profili işlətdiklərini etiraf edib. Bəxtiyar İmanov AXCP Gənclər
komitəsinin sədri Emil Səlimovun"qrubıy” adam olduğunu, özünü baş nazir kimi
apardığını, nişanlanandan sonra başının qıza qarışdığını, gənc üzvlərlə işləmədiyini,
vəziyyətin xaotik olduğunu qeyd edib. Müzakirələrin gedişində cəbhəçilər təşkilat
daxilində qruplaşmaların olduğunu söyləyiblər. Buyurun, bu da cəbhəçilərin ən
ali qurumlarının rəhbər üzvlərinin düşüncələri: "Qruplaşmalar var, Nicatgil bir
tərəfdən, Cabbargil bir tərəfdən, Məhəmməd İmanlı bir tərəfdən. Akif də Binəqədi
şöbəsin dağıtdı. Sən danışanda Əli Kərimlini fitvala ki, Emil işləmir. ...Seymur
Həzi də, Fuad Qəhrəmanlı da qələt eləyir başını daşa döyür. Mənim adım olandan
sonra hamısı qələt edir, hamısının yaralı yerləri, zibil işləri var, başları
daşa dəyib, xəbərdaram olanlardan. ...Sənə qardaşın bir şey öyrətsin də, pul
yığmaq istəyəndə Əlizaminin ailəsinə dəyməyə gedilir, bazarlıq olunacaq deyin,
o adla istəyin ki versinlər”.
Bütün bu sadalanan faktlar özlərini demokrat
adlandıranların hansı amalda, səviyyədə olduqlarını açıq şəkildə ortaya qoyur. Ona
görə də antimilli dərnək üzvlərinin bu davranışları sosial şəbəkədə davamlı tənqid,
lağ-lağı obyektinə çevrilir. Azərbaycan cəmiyyətinə ağıl verib demokratiya dərsi
keçmək istəyənlərin özlərinin ağıla ehtiyacının olduğu, həmçinin Milli Şuranın,
eləcə də cəbhəçi gənclərin iclaslarının ciddi müzakirə meydanı deyil, qeybətxana
şousu olduğu qeyd edilir.
Alpər TURAN